4 تامىز كۇنى ساعات 23:42 شاماسىندا قىزىلوردا قالاسى پوليتسيا باسقارماسىنىڭ كەزەكشى بولىمىنە قالا تۇرعىنىنان كامەلەتكە تولماعان ەكى بالاسىنىڭ ويناۋعا شىعىپ قايتا ۇيىنە كەلمەگەندىگى جونىندە حابارلاما ءتۇستى.
بالالاردى ىزدەۋ ءۇشىن جەرگىلىكتى پوليتسيا قىزمەتى ءبولىمىنىڭ يۋۆەنالدى پوليتسيا بولىمشەسىنىڭ جەكە قۇرامى جۇمىلدىرىلدى. پوليتسەيلەر بارلىق پوليتسيا ۋچاسكەلەرىنە باعىت-باعدار بەرىپ, ادامدار كوپ جينالاتىن ورىنداردى, شاتىرلار مەن قاراۋسىز قالعان عيماراتتاردى تەكسەردى.
ىزدەستىرۋ جۇمىستارى بارىسىندا ەكى بالا 3 ساعات ىشىندە تابىلىپ, امان-ەسەن ۇيىنە جەتكىزىلدى.
تۇنگى ۋاقىتتا كوشە كەزگەن بالالاردىڭ زاڭدى وكىلىنە قر اقبتك-ءنىڭ 442-بابى 2-ءبولىمى بويىنشا اكىمشىلىك حاتتاما راسىمدەلىپ, ەسكەرتۋ بەرىلدى.
قازىر بالالارمەن جانە ولاردىڭ اتا-اناسىمەن پروفيلاكتيكالىق جۇمىستار جۇرگىزىلۋدە.