اۋرۋحانالاردى قاجەتتى پرەپاراتتارمەن قامتاماسىز ەتۋ بويىنشا "سك-فارماتسيا" جشس باسقارما توراعاسى ەرحات ەسقاليەۆ ايتىپ بەردى, - دەپ حابارلايدى Egemen.kz
"جۇقپالى اۋرۋلار اۋرۋحانالارىنا (189 اۋرۋحانا) جانە پروۆيزورلىق ورتالىقتارعا (330 ورتالىق) COVID-19 ەمدەۋ ءۇشىن كلينيكالىق حاتتاماعا ەنگىزىلگەن پرەپاراتتاردىڭ 91 اتاۋى جونەلتىلەدى. كوروناۆيرۋستىق ينفەكتسيا پايدا بولعان ساتتەن باستاپ 12,8 ملرد تەڭگە سوماسىنا دارىلىك پرەپاراتتار جونەلتىلدى", دەدى ول.شىلدە ايىنىڭ باسىنان باستاپ اۋرۋحانالاردا ءدارى-دارمەك تاپشىلىعى ماسەلەسىن شۇعىل شەشۋ ءۇشىن جوسپاردان تىس 2,6 ملرد تەڭگە سوماعا ايلىق رەزەرۆ جونەلتىلدى. "وڭىرلەر اكىمدىكتەرىمەن قالعان زاتتار بويىنشا تەكسەرۋ جۇرگىزىلىپ, "قىزىل ايماقتاردى" جەدەل قاجەتتىلىك پرەپاراتتارى بويىنشا, سونداي-اق جەرگىلىكتى جەرلەردەگى ءدارى-دارمەكتەرگە بولجامدى قاجەتتىلىك بويىنشا تالداۋ تۇراقتى نەگىزدە جۇرگىزىلەدى", دەدى ە. ەسقاليەۆ.