باتىس قازاقستان وبلىسىندا 5 شىلدە-5 تامىز ارالىعىندا كارانتين تالاپتارىن بۇزعان زاڭدى جانە جەكە تۇلعالارعا سالىنعان ايىپپۇل 20 ملن تەڭگەدەن اسقان دەپ حابارلايدى Egemen.kz.
وتكەن ءبىر اي ىشىندە باتىس قازاقستان وبلىسىندا سانيتارلىق تالاپتاردى ساقتاماعانى ءۇشىن, كارانتين ءتارتىبىن بۇزىپ, كەلۋشىلەردى قابىلداعانى ءۇشىن, جەكە قورعانىس قۇرالدارى بولماۋى سەبەپتى 3 زاڭدى تۇلعا, 17 جەكە كاسىپكەر اكىمشىلىك جاۋاپكەرشىلىككە تارتىلىپ, جالپى كولەمى 230 ايلىق ەسەپتىك كورسەتكىش كولەمىندە ايىپپۇل تارتقان ەكەن.
بۇعان قوسا 291 جەكە تۇلعاعا سانيتارلىق-ەپيدەميالىق تالاپتاردى بۇزىپ, تۇرعىندارعا قاۋىپ توندىرگەنى ءۇشىن, 20 ادامعا كوپشىلىك شارالاردى ۇيىمداستىرعانى ءۇشىن, 18 ادامعا قوعامدىق ورىندا بەتپەردە تاقپاعانى ءۇشىن جانە ساعات 23.00.-دەن كەيىن جەكە اۆتوكولىگىمەن جۇرگەنى ءۇشىن 231 جۇرگىزۋشىگە 30 ايلىق ەسەپتىك كورسەتكىش كولەمىندە ايىپپۇل سالىنعان.
وسىلايشا, اكىمشىلىك قۇقىق بۇزۋشىلىق حاقىندا تولتىرىلعان 311 حاتتاما بويىنشا جەكە جانە زاڭدى تۇلعالارعا, جەكە كاسىپكەرلەرگە بارلىعى 20 001 600 تەڭگە ايىپپۇل سالىنعان.
باتىس قازاقستان وبلىستىق تاۋارلار مەن قىزمەتتەردىڭ ساپاسىن باقىلاۋ دەپارتامەنتى حالىقتان كارانتين شارالارىن قاتاڭ ساقتاۋدى تالاپ ەتۋدە.