«شىعىس-2013» جەدەل-ستراتەگيالىق وقۋ-جاتتىعۋى اياقتالدى. قازاقستان قارۋلى كۇشتەرى قۇرلىق اسكەرلەرىنىڭ باسقارۋ ورگاندارى رەسەي قارۋلى كۇشتەرى وكىلدەرىمەن ءوزارا ءىس-قيمىل جاساي وتىرىپ, قورعانىس وپەراتسياسىن جانە شارتتى قارسىلاستى جويۋدى جوسپارلاۋ جونىندەگى مىندەتتەردى ءساتتى ورىنداپ شىقتى.
«شىعىس-2013» جەدەل-ستراتەگيالىق وقۋ-جاتتىعۋى اياقتالدى. قازاقستان قارۋلى كۇشتەرى قۇرلىق اسكەرلەرىنىڭ باسقارۋ ورگاندارى رەسەي قارۋلى كۇشتەرى وكىلدەرىمەن ءوزارا ءىس-قيمىل جاساي وتىرىپ, قورعانىس وپەراتسياسىن جانە شارتتى قارسىلاستى جويۋدى جوسپارلاۋ جونىندەگى مىندەتتەردى ءساتتى ورىنداپ شىقتى.
وقۋ-جاتتىعۋدىڭ جوسپارى بويىنشا شارتتى قارسىلاس ءبىزدىڭ اسكەرلەرگە زىمىران-بومبالىق جانە اۆياتسيالىق سوققى جاساي وتىرىپ, ىرگەلەس مەملەكەتتىڭ اۋماعىن باسىپ الۋعا بارىن سالدى. الايدا, ءبىزدىڭ اسكەرلەردىڭ جاقسى ويلاستىرىلعان جانە ۇيىمداستىرىلعان قورعانىسى, سونداي-اق, قۇرلىق اسكەرلەرىنىڭ كۇيرەتە سوققان قارسى شابۋىلدارى قارسىلاستى جەتكەن شەبىندە توقتاتىپ, اۋەدەن كورسەتىلگەن قولداۋ ارقىلى وعان بارىنشا كوپ شىعىن كەلتىردى.
ەستەرىڭىزگە سالا كەتەيىك, «شىعىس-2013» جەدەل-ستراتەگيالىق وقۋ-جاتتىعۋى 2013 جىلعى 8-12 قازان ارالىعىندا شىعىس قازاقستان جانە الماتى وبلىستارىنىڭ اۋماعىندا قۇرلىق اسكەرلەرىنىڭ («شىعىس» وڭىرلىك قولباسشىلىعى اسكەرلەرى, موتواتقىشتار, ارتيللەريا ءبولىمشەلەرى, اەروۇتقىر اسكەرلەرىنىڭ بولىمدەرى) جانە اۋە قورعانىسى كۇشتەرى اسكەري-اۋە كۇشتەرى اۆياتسياسىنىڭ قاتىسۋىمەن ءوتتى.
ۇقشۇ-عا مۇشە مەملەكەتتەر جاۋىنگەرلىك باسقارۋ ورگاندارى اراسىنداعى ىنتىماقتاستىقتى نىعايتۋ جانە تاجىريبە الماسۋ ماقساتىندا وقۋ-جاتتىعۋعا رەسەي فەدەراتسياسى قارۋلى كۇشتەرىنىڭ جەدەل توبى تارتىلعان بولاتىن.
كوماندالىق-شتابتىق ۇلگىدە وتكەن «شىعىس-2013» جەدەل-ستراتەگيالىق وقۋ-جاتتىعۋىنا قازاقستان رەسپۋبليكاسى قارۋلى كۇشتەرى باس شتابىنىڭ باستىعى, گەنەرال-پولكوۆنيك ساكەن جاسۇزاقوۆ باسشىلىق جاسادى.
«ەگەمەن اقپارات».