قىزىلوردا قالاسىنداعى ەمدەۋ مەكەمەلەرىنە جەرگىلىكتى كاسىپكەرلەر كومەگىمەن الىنعان قۇرىلعىلار جەتكىزىلدى. ىندەت قۇرىعىنا ىلىنگەن جەرلەستەرىنە جاردەم بەرگەن ازاماتتاردان 39,7 ملن تەڭگە جينالىپ, وعان وكپەگە جاساندى تىنىس بەرەتىن 1 اپپارات پەن 15 وتتەگى كونتسەنتراتورى الىنعان.
ء«سات-سەرۆيس», «باق-بەرەكە 2030», «اساناس-دار», «مەتپروممونتاج», «نۇر-اي اقجول», «التىن ايدارلى» جاۋاپكەرشىلىگى ششەكتەۋلى سەرىكتەستىكتەرى مەن «ساپاق» وندىرىستىك كووپەراتيۆى دەمەۋشىلىگىمەن الىنعان قۇرىلعىلاردى دارىگەرلەرگە تابىستاۋ سالتاناتىنا قالا اكىمى نۇرلىبەك نالىباەۆ قاتىستى. وكپەگە جاساندى تىنىس بەرەتىن اپپارات پەن 2 وتتەگى كونتسەنتراتورى قالالىق اۋرۋحاناعا بەرىلسە, وبلىستىق جۇقپالى اۋرۋلار اۋرۋحاناسىنا 3, وبلىستىق بالالار اۋرۋحاناسىنا 5, «انا مەن بالا» ورتالىعىنا 5 قۇرىلعى تابىس ەتىلدى.
قيىن كەزەڭدە قولدان كەلگەن كومەگىن اياماي, دەرتتى جەڭۋگە ۇلەس قوسقان كاسىپكەرلەرگە شاھار باسشىسى قالا تۇرعىندارىنىڭ اتىنان العىس ءبىلدىردى. قازىر ىندەتكە قارسى كۇرەسكە جۇمىلعان ەرىكتىلەر قاتارىندا كاسىپكەرلەر, قۇرىلىسشىلار, ءماسليحات دەپۋتاتتارى دا بار. وسى ەرىكتىلەر ەڭبەگىمەن از ۋاقىتتا وبلىس ورتالىعىنىڭ وزىندە عانا 56,2 ملن تەڭگەدەن اسا قارجى جينالىپ, ايماق ورتالىعىنداعى ەمدەۋ مەكەمەلەرىنە قاجەتتى قۇرال-جابدىقتار الىندى.
قىزىلوردا