شىمكەنتتە كوپتەن كۇردەلى جوندەۋ كورمەگەن ء"شامشى اللەياسى" جاڭارتىلىپ جاتىر

شىڭعىس جۇمابەك ۇلىنىڭ ايتۋىنشا, ء"شامشى اللەياسى" 2006 جىلى سالىنعان. ال, 2011 جىلى دەمەۋشىلەردىڭ كومەگىمەن گۇلزاردىڭ ورتالىق بولىگىنە ساحنا, جاياۋ جۇرگىنشىلەر الاڭى, "جۇلدىزدار اللەياسى" قۇرىلعان.

سوڭعى جۇرگىزىلگەن انىقتاۋ جۇمىستارىنىڭ ناتيجەسىنە وراي, گۇلزار ىشىندەگى جاياۋ جۇرگىنشىلەر جولىنىڭ 80 پايىزىنان استام پليتالىق توسەنىشتەرى جوندەۋدى قاجەت ەتەتىنى جانە ساحنا اينالاسىنداعى سۋ بۇرقاقتىڭ جابىندارى, تەمىر بۇرىككىشتەرى (كورروزيا سالدارىنان شىرىگەنى), جاسىل جەلەكتەردى سۋعارۋ جۇيەلەرىنىڭ جارامسىز بولعاندىعى, دەمەۋشىلەر قارجىسىنا سالىنعان تۇنگى جارىق شامدارىنىڭ جەر استى كابەلدەرىنىڭ ءۇزىلىپ, تالاپقا ساي كۇتىپ ۇستاۋ جۇمىستارىن اتقارۋ مۇمكىن ەمەستىگى بەلگىلى بولعان.

"سول سەبەپتى, 2019 جىلى شىمكەنت قالاسىنىڭ ەنەرگەتيكا جانە كوممۋنالدىق شارۋاشىلىق باسقارماسى تاراپىنان ء"شامشى الەمى" گۇلزارىن اباتتاندىرۋ جۇمىستارىنىڭ سمەتالىق قۇجاتتارى ازىرلەنىپ, ۇسىنىلعان. جوبا قۇنى 207,0 ملن تەڭگە. كۇردەلى جوندەۋ جۇمىستارىن جۇرگىزۋشى باس مەردىگەر — "شىمكەنت سپەتس.كومپلەكس" كومپانياسى. جوبا بويىنشا پليتالىق توسەنىشتەردى تولىقتاي جاڭارتۋ, سۋعارۋ جۇيەسىن الماستىرۋ (تىك ۇڭعىما قازۋ), قوسىمشا كوركەيتۋ ەلەمەنتتەرىن ورناتۋ جانە وزگە دە جۇمىستاردى اتقارۋ جوسپارلانعان. بۇگىندە "جۇمىسپەن قامتۋدىڭ جول كارتاسى» باعدارلاماسىمەن رەسپۋبليكالىق قازىنادان 207 ملن تەڭگە قارجى ءبولىندى. مۇندا قازىر 52 ازامات جۇمىس جاساپ ءجۇر. جوندەۋ جۇمىستارى قىركۇيەك ايىندا اياقتالىپ قالادى. سوندىقتان اقشانىڭ جوق كەزىندە جاڭا اللەيانى بۇزىپ, قايتا سالدى دەگەن تۇسىنىك بولماۋى ءتيىس. بۇل قارجىنى بولۋدەگى تۇپكى ماقسات, جەرگىلىكتى جەردە جۇمىس ورىندارىن اشۋ", — دەيدى شىڭعىس مۇقان.

بۇگىندە جاۋاپتىلار جوندەۋ جۇمىستارىن 3 ايماققا بولگەن. العاشقىسى ء"شامشى اللەياسى", نەكە سارايى جانە كول اۋماعى. الايدا ءۇش اۋماق تا جوندەۋدى تالاپ ەتەدى. ء"شامشى اللەياسىندا" توسەنىشتەر الماستىرىلىپ, جۇلدىزدار اللەياسى مەن قولدانىستاعى ەسكەرتكىشتەر وزگەرىسسىز قالادى.

جالپى بيىل قالانى اباتتاندىرۋ ماقساتىندا, وسى جۇمىستارمەن قاتار, "چەرنوبىل" گۇلزارىن اباتتاندىرۋ, ء"ال-فارابي الاڭىنداعى گۇلزاردى" اباتتاندىرۋ, قاجىمۇحان اتىنداعى ستاديون اۋماعىنداعى "سپورت" ستانتسياسىن اباتتاندىرۋ جانە قايتپاس -1 شاعىن اۋدانىن, قاسىرەت شاتقالىن كوگالداندىرۋ جۇمىستارى جوسپارلانىپ (5 جوبا), قۇرىلىس جۇمىستارى باستالعان.