جاقسىلىق ۇشكەمپىروۆتى سوڭعى ساپارعا شىعارىپ سالۋ ءراسىمى پاندەمياعا بايلانىستى جانە ادامداردىڭ كوپتەپ جينالۋىن بولدىرماۋ ماقساتىندا تەك وتباسى ىشىندە وتەدى, - دەپ حابارلايدى Egemen.kz الماتى قالاسىنىڭ اكىمدىگىنە سىلتەمە جاساپ.
2 تامىزدا كورنەكتى مەملەكەت جانە قوعام قايراتكەرى, قر ەڭبەك ەرى, گرەك-ريم كۇرەسىنەن قازاقستاننىڭ تۇڭعىش وليمپيادا چەمپيونى, الەم, ەۋروپا چەمپيونى, "بارىس", "قۇرمەت", جانە "پاراسات" وردەندەرىنىڭ يەگەرى جاقسىلىق ۇشكەمپىروۆ 70 جاسىندا دۇنيەدەن وزعان ەدى.
جاقسىلىق ۇشكەمپىروۆتىڭ تۋعان-تۋىستارى كوڭىل ايتىپ, قولداۋ كورسەتكەندەرى ءۇشىن بارشا قازاقستاندىقتارعا, اسىرەسە, قر تۇڭعىش پرەزيدەنتى - ەلباسى نۇرسۇلتان نازارباەۆقا جانە مەملەكەت باسشىسى قاسىم-جومارت توقاەۆقا ريزاشىلىقتارىن ءبىلدىردى.سونىمەن بىرگە, قوشتاسۋ راسىمىنە قاتىستى شارالاردىڭ تۋرا ءبىر جىلدان كەيىن وتەتىنى حابارلاندى.