قازاقستان مۇسىلماندارى ءدىني باسقارماسى قىزمەتىنىڭ باستى ءتورت باعىتىنىڭ ءبىرى قايىرىمدىلىق ەكەنى بەلگىلى. وسىعان وراي قمدب جانىنداعى "زەكەت" كورپوراتيۆتىك قورى قۇربان شالۋ ءراسىمىن ۇيىمداستىرىپ, ەتىن تاراتۋعا كىرىسىپ كەتتى, دەپ حابارلايدى Egemen.kz
نۇر-سۇلتان قالاسىنىڭ ورتالىق كلينيكالىق گوسپيتالىندە COVID-19 دياگنوزىمەن ەمدەلىپ جاتقان ناۋقاستار مەن ولاردى ەمدەۋشى دارىگەرلەر ەتتەن اۋىز ءتيىپ, شيپا بولسىن دەگەن نيەتتە 20 پاكەت جانە ەرىكتىلەر ارقىلى مەديتسينا قىزمەتكەرلەرىنە 25 پاكەت تابىستالدى.
"كۇللى مۇسىلماندار اسىعا كۇتەتىن ۇلىق مەرەكە قۇربان ايت تا باستالىپ كەتتى. وسىنداي مەرەكەدە اينالامىزداعى ادامدارعا قۋانىش سىيلاۋعا اسىعۋ كەرەك. قاسيەتتى قۇربان ايت قۇتتى بولسىن! ايتتان ايتقا امان-ەسەن جەتۋىمىزدى ءناسىپ ەتسىن!", دەدى "زەكەت" قورىنىڭ ديرەكتورى تالعات وماروۆ.