بۇل تۋرالى قر پرەزيدەنتى جانىنداعى وكق-دا وتكەن ونلاين ءباسپاسوز كونفەرەنتسياسىندا پرەمەر-ءمينيستردىڭ ورىنباسارى ەرالى توعجانوۆ ايتتى.
"قازاقستاندا تاۋلىك سايىن ءبىر ميلليون ماسكا شىعارىلادى. الدىمەن مەديتسينالىق ۇيىمدار مەن الدىڭعى شەپتە جۇرگەن قىزمەتكەرلەر قامتاماسىز ەتىلەدى. قازاقستاندا وندىرىلەتىن ماسكا كولەمى ازاماتتاردى قامتاماسىز ەتۋگە جەتەدى دەپ ويلايمىن. وڭىرلەردە قوسىمشا كوپرەتتىك ماسكالار شىعارىلىپ جاتىر. بۇل جونىنەن پروبلەما تۋىنداماۋى كەرەك", - دەدى ول. ەرالى توعجانوۆ ماسكا تاعۋ بويىنشا جاۋاپكەرشىلىكتى ارتتىرۋ كەرەگىن ايتتى.
"بۇگىندە ءبىر-ءبىرىمىزدى قورعاۋ قاجەت ەكەنىن ءتۇسىنۋ كەرەك. ءبىز ءومىر بويى ماسكا تاعىپ جۇرمەيمىز عوي. بۇل ۋاقىتشا شارا. ادامداردىڭ قاۋىپسىزدىگىنە قاتىستى ماسەلە بولىپ وتىر. اتا-اناسى مەن جاقىندارىنان ايىرىلعان ادامداردىڭ كوز جاسى تۋرالى ويلاۋ كەرەك. بۇل ماسەلە بويىنشا بىرلەسە جۇمىس ىستەۋمىز كەرەك", - دەدى ول.