قر ۇكىمەتىنىڭ قاۋلىسىمەن ەربول دۇيسەباي ۇلى وسپانوۆ قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
ەربول وسپانوۆ 1977 جىلى وڭتۇستىك قازاقستان وبلىسىندا دۇنيەگە كەلگەن. 1998 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن "قولدانبالى ماتەماتيكا" ماماندىعى بويىنشا, 2002 جىلى قازاق ۇلتتىق اگرارلىق ۋنيۆەرسيتەتىن "قارجى جانە نەسيە" ماماندىعى بويىنشا تامامداعان.
ەڭبەك جولىن 1999 جىلى "كازگيپروجەلدورترانس" تەمىر جول كولىگىنىڭ نىساندارى مەن اقپاراتتىق جۇيەلەرىن جوبالاۋدىڭ قازاقستاندىق تەحنيكالىق-ەكونوميكالىق زەرتتەۋلەر ينستيتۋتى" اق-دا 1-ساناتتى ينجەنەر بولىپ باستادى.
2000-2001 جىلدارى — "كازگيپروجەلدورترانس" تەمىر جول كولىگىنىڭ نىساندارى مەن اقپاراتتىق جۇيەلەرىن جوبالاۋدىڭ قازاقستاندىق تەحنيكالىق-ەكونوميكالىق زەرتتەۋلەر ينستيتۋتى" اق فيليالىنىڭ جەتەكشى ينجەنەرى.
2001-2006 جىلدارى "قازاقستان تەمىر جول كولىگى عىلىمي-زەرتتەۋ ينستيتۋتى" جشس جوبالار جەتەكشىسى بولىپ جۇمىس ىستەدى.
2006-2007 جىلدارى — "قارجى جۇيەلەرىن اقپاراتتاندىرۋ ورتالىعى" اق اقپاراتتىق جۇيەلەردى ازىرلەۋ باسقارماسىنىڭ جۇيەلىك تالداۋ جانە بيزنەس جوسپارلاۋ ءبولىمىنىڭ جەتەكشى ينجەنەر-جوبالاۋشىسى.
2007-2010 جىلدارى "ۇلتتىق اقپاراتتىق تەحنولوگيالار" اق-دا جۇمىس ىستەدى, وندا مەملەكەتتىك ورگانداردىڭ اكت-بولىمشەلەرىن قۇرۋ دەپارتامەنتىنىڭ باس مامانى, مەملەكەتتىك ورگانداردىڭ اكت-بولىمشەلەرىنىڭ جۇمىس ىستەۋى جونىندەگى باعدارلامانىڭ اكت-پروتسەستەرىنىڭ باس مەنەدجەرى, قۇزىرەت ورتالىعى ديرەكتورىنىڭ ورىنباسارى, قۇزىرەت ورتالىعىنىڭ ديرەكتورى لاۋازىمدارىن اتقاردى.
2010-2012 جىلدارى "زەردە" ۇلتتىق ينفوكوممۋنيكاتسيالىق حولدينگى" اق باسقارۋشى ديرەكتورى, اقپاراتتىق-كوممۋنيكاتسيالىق تەحنولوگيالاردى دامىتۋ دەپارتامەنتىنىڭ ديرەكتورى قىزمەتتەرىن اتقاردى.
2012-2016 جىلدارى "زەينەتاقى تولەۋ جونىندەگى مەملەكەتتىك ورتالىق" رمقك-دا باس ديرەكتوردىڭ ءبىرىنشى ورىنباسارى, باس ديرەكتوردىڭ ورىنباسارى بولىپ جۇمىس ىستەدى.
2016-2020 جىلدارى "ەڭبەك رەسۋرستارىن دامىتۋ ورتالىعى" اق ۆيتسە-پرەزيدەنتى, ءبىرىنشى ۆيتسە-پرەزيدەنتى, پرەزيدەنتى قىزمەتتەرىن اتقاردى.