قاراعاندى وبلىسىندا جاۋعان بۇرشاق ۇيلەردىڭ شاتىرىن تەسىپ ءوتتى

تۇرعىنداردىڭ ايتۋىنشا, جاۋىن-شاشىننىڭ زيانى ولاردىڭ باۋ-باقشالارىنداعى كوكونىستەرگە تيگەن.

Instagram جەلىسىندە قاراعاندى وبلىسى اباي اۋدانى ساماركا اۋىلىنىڭ تۇرعىندارى بودەنە جۇمىرتقاسىنداي ءىرى بۇرشاق جاۋعانىن كورسەتەتىن سۋرەتتەر ورنالاستىرعان. كەيبىر جەلى قولدانۋشىلار جاۋىن-شاشىننىڭ وسىنداي ءرى بولعانىنا سەنبەي, تاڭقالىپ وتىر. الايدا تۇرعىندار بۇرشاق ولاردىڭ باقشالارىنداعى جەمىستەر مەن كوكونىستەرىن زاقىم كەلتىردى دەپ شاعىمدانادى, ال ءبىر ۇيدە جاۋعان بۇرشاق ءتىپتى شاتىرىپ تەسىپ وتكەن. قاراعاندى وبلىسىندا جاڭبىر مەن بۇرشاق تۇرىندە جاۋىن-شاشىن بولاتىنى تۋرالى بۇعان دەيىن توتەنشە جاعدايلار دەپارتامەنتى حابارلاعان بولاتىن. "قاراعاندى وبلىسى بويىنشا 29 شىلدە كۇنى كەي جەرلەردە جاڭبىر جاۋىپ, نايزاعاي وينايدى, داۋىل تۇرىپ, بۇرشاق جاۋى مۇمكىن (كوبىنەسە وبلىستىڭ سولتۇستىگىندە, شىعىسىندا جانە ورتالىعىندا). جەل سولتۇستىك, سولتۇستىك-باتىستان سەكۋندىنا 9-14 متەر, سولتۇستىكتە, شىعىستا جانە ورتالىقتا 15-20 مەتر جىلدامدىقپەن سوعىپ, ەكپىنى 23-28 مەتر بولادى. اۋا تەمپەراتۋراسى تۇندە +8-13, وڭتۇستىكتە 16 گرادۋس جىلى, كۇندىز +18-23, وڭتۇستىكتە +26-31 جىلى بولادى", - دەلىنگەن حابارلامادا.

ازىرگە جاۋىن-شاشىن سالدارىنان تۋىنداعان شىعىندار بەلگىسىز.