پرەزيدەنت قاسىم-جومارت توقاەۆ اسا كورنەكتى عالىم, بەلگىلى قوعام قايراتكەرى, قازاقستان رەسپۋبليكاسى عىلىم اكادەمياسىنىڭ بۇرىنعى پرەزيدەنتى, ەكونوميكا عىلىمدارىنىڭ دوكتورى, پروفەسسور كەنجەعالي ابەن ۇلى ساعاديەۆتىڭ دۇنيەدەن وتۋىنە بايلانىستى ونىڭ وتباسى مەن جاقىندارىنا كوڭىل ايتىپ, جەدەلحات جولدادى, دەپ حابارلادى پرەزيدەنتتىڭ ءباسپاسوز قىزمەتى.
«كەنجەعالي ابەن ۇلى مەملەكەتىمىزدى دامىتۋ ىسىنە مول ۇلەس قوستى. قازاقستان رەسپۋبليكاسى عىلىم اكادەمياسىنا جانە قازاق مەملەكەتتىك اگرارلىق ۋنيۆەرسيتەتىنە باسشىلىق جاسادى. پارلامەنت ءماجىلىسىنىڭ ءىىى جانە IV شاقىرىلىمدارىنىڭ دەپۋتاتى بولىپ, وتاندىق زاڭنامانى جەتىلدىرۋگە اتسالىستى, ۇزاق جىلدار بويى ۇستاز رەتىندە شاكىرتتەر تاربيەلەدى. ارتىندا وشپەس ءىز, ۇلاعاتتى ۇرپاق, عىلىمي مۇرا قالدىردى. مارقۇمنىڭ جانى ءجانناتتا, يمانى سالامات بولسىن», دەلىنگەن جەدەلحاتتا.