باتىس قازاقستان وبلىسىندا كارانتين كەزىندە تىيىم سالىنعانىنا قاراماستان سوڭعى ءبىر اپتا ىشىندە 9 توي وتكەن دەپ حابارلايدى Egemen.kz.
"باتىس قازاقستان وبلىسى باس مەملەكەتتىك سانيتارلىق دارىگەرىنىڭ تىيىم سالعانىنا قاراماستان وبلىستا توي, سالتاناتتى مەرەكە, تۋعان كۇن سەكىلدى شارالاردى ۇيىمداستىرۋ فاكتىلەرى ءالى تىركەلۋدە. 2020 جىلدىڭ 15-22 شىلدە ارالىعىندا وبلىس اۋماعىندا 20-50 ادامنىڭ قاتىسۋىمەن 9 توي وتكىزىلگەن", - دەلىنگەن باتىس قازاقستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى تاراتقان مالىمدەمەدە.
مونيتورينگ توبى تەرەكتى اۋدانىنىڭ فەدوروۆكا جانە اباي اۋىلدارىندا, جانىبەك اۋدانىنىڭ بورسى جانە جانىبەك اۋىلدارىندا, قاراتوبە اۋدانىنىڭ قاراتوبە جانە سارالجىن اۋىلدارىندا, جاڭاقالا اۋدانىنىڭ بىرلىك اۋىلىندا, قازتالوۆ اۋدانىنىڭ قازتالوۆ اۋىلىندا جانە سىرىم اۋدانىنىڭ جىمپيتى اۋىلىندا كارانتين كەزىندە توي وتكىزىلگەنىن انىقتاعان. بۇل بويىنشا توي وتكىزگەن جەكە تۇلعالارعا اكىمشىلىك حاتتاما تولتىرىلىپ, 15 اەك كولەمىندە ايىپپۇل سالىنعان.
باتىس قازاقستان