5 شىلدە مەن 22 شىلدە ارالىعىندا باتىس قازاقستان وبلىسىندا فارماتسەۆتيكالىق قىزمەت بويىنشا قۇقىق بۇزۋشىلىقتار تۋرالى 42 وقيعا انىقتالدى دەپ حابارلايدى Egemen.kz.
بۇل تۋرالى باتىس قازاقستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مالىمدەگەن. اتالعان ۋاقىت ىشىندە وڭىردەگى پوليتسيا, سىبايلاس جەمقورلىققا قارسى ءىس-قيمىل اگەنتتىگى جانە ەكونوميكالىق تەرگەۋ دەپارتامەنتتەرىنەن وسىنشا ءىس كەلىپ تۇسكەن.
سونىڭ ىشىندە اكىمشىلىك قۇقىق بۇزۋشىلىق تۋرالى كودەكستىڭ 424 بابى 1 بولىگى بويىنشا ليتسەنزياسىز قىزمەتى ءۇشىن 5 جەكە تۇلعاعا جالپى كولەمى 34 725 تەڭگە ايىپپۇل سالىندى. تاعى ءبىر ماتەريال قارالۋ ۇستىندە.
سونىمەن قاتار, دارىلىك پرەپاراتتاردىڭ قۇنىن شەكتى باعادان اسىرىپ ساتقانى ءۇشىن "مەندىباەۆا ج.گ." جەكە كاسىپكەرى مەن "ادەما-فارم" جشس 361 140 تەڭگە ايىپقا تارتىلعان.
زاڭ بۇزۋشىلىقتاردىڭ ءبىراز بولىگى قازاقستان رەسپۋبليكاسىندا قولدانۋعا رۇقسات بەرىلمەگەن دارىلىك زاتتاردى ساتۋعا قاتىستى تىركەلىپ وتىر. ماسەلەن, وسىنداي 20 ماتەريال ارنايى اكىمشىلىك سوتقا جىبەرىلىپ, بەس ءىس بويىنشا 100-دەن 300-گە دەيىنگى اەك كولەمىندە ايىپپۇل سالىندى. مۇنداي زاڭسىزدىقپەن كوزگە تۇسكەن ءدارىحانالاردىڭ قاتارىندا "بوتوۆا ي.پ.", "كالۋگينا ۆ.م." جەكە كاسىپكەرلەرى مەن "مەدماركەت-ەكسپەرت" جشس بار.
سونداي-اق ءتيىستى تىركەۋسىز, رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ, سونداي-اق ءىس-ارەكەتتەردى جۇزەگە اسىرۋ بويىنشا ءۇش ماتەريال سوتقا جىبەرىلىپ, "نوبەل افف" اكتسيونەرلىك قوعامىنا 150 اەك كولەمىندە ايىپپۇل سالىندى. قالعان ماتەريالدار قارالۋ ۇستىندە.
باتىس قازاقستان