ناۋقاستارعا ۋاقتىلى كومەك بەرىلدى

– بۇل اپپاراتتار قالا تۇرعىندارىنىڭ ءومىرى ءۇشىن اسا ماڭىزدى. قاۋىپسىزدىگىنە, وكپەنى ەمدەۋگە ارنالعان ساپالى قۇرال-جابدىق ەكەنىنە كەپىلدىك بەرىلگەن. الەمدىك نارىقتا كوپتەن بەرى اتى تانىس نەمىس كومپانياسى بولعاندىقتان, ەلىمىزگە ىندەت كەزىندە جەتكەن اپپاراتتاردى پايدالانۋدا قيىندىق بولمايدى دەپ ويلايمىز, – دەيدى №1 قالالىق اۋرۋحانا دارىگەرى ارمان وتەۋوۆ.

سونىمەن بىرگە قازىر قالاداعى باسقا اۋرۋحانالارعا دا دەمەۋشىلەردىڭ قولداۋىمەن ساتىپ الىنعان ەكى اپپارات جەتكىزىلىپ, ىسكە قوسىلدى.

ال №3 قالالىق اۋرۋحاناعا جەتكىزىلگەن مەدي­تسينالىق قۇرال-جابدىقتار جەكە دەمەۋشىلەر مەن قالالىق اكىمدىك قاراجاتىنا ساتىپ الىندى. امەريكالىق ءوجج اپپاراتى كaspi ءbankتىڭ قارا­جاتىنا جەتكىزىلسە, 20 پۋلسوكسيمەتر مەن 2 لارينگوسكوپتى قالالىق اكىمدىك ساتىپ الدى. وعان قوسا ForteBank 10 ملن تەڭگە كولەمىندە قارجىلاي كومەك كورسەتتى.

– لارينگوسكوپ ناۋقاستى وكپەنى جاساندى جەلدەتۋ رەجىمىنە كوشىرگەن كەزدە پايدالانىلادى, – دەيدى اۋرۋحانانىڭ جانساقتاۋ ءبولىمىنىڭ مەڭگەرۋشىسى ۆاسيلي پاۆلوۆ. – پۋلسوكسيمەتر دە وتە قاجەت. اپپارات ادامنىڭ ساۋساعىنا كيىلىپ, ناۋقاستىڭ ەمدەلۋ ءساتىن كورسەتەدى. وسى كۇندەرى ستاتسيونارلارداعى جاعداي ءبىرشاما جاقساردى. ناۋقاستارعا كومەك كورسەتۋدىڭ ناتيجەسى بايقالۋدا. باستاپقى مەديكو-سانيتارلىق كومەك تە جاقساردى.

ء وڭىر دارىگەرلەرى نوۆوسىبىرلىك ارىپتەستەرمەن بىرگە ىندەتكە قارسى كۇرەستە ءوزارا بىرلەسىپ ەمدەۋ شارالارىن جۇرگىزۋدە. وسىعان وراي وتكەن ونلاين-كونفەرەنتسياعا ءنوۆوسىبىر وبلىسى دەنساۋلىق ساقتاۋ ءمينيسترىنىڭ ورىنباسارى ەلەنا اكسەنوۆا, پاۆلودار وبلىستىق دەنساۋلىق ساقتاۋ باسقارماسىنىڭ باسشىسى ءبىرجان دوسمايىلوۆ, سونداي-اق ەكى ءوڭىردىڭ ينفەكتسيونيستەرى, پۋلمونولوگتارى, رەانيماتولوگتارى مەن سانيتارلىق دارىگەرلەرى قاتىستى. جيىن بارىسىندا بەلگىلى بولعانداي, ءنوۆوسىبىر دارىگەرلەرىنىڭ ەمدەۋ حاتتامالارى وتاندىق مامانداردىڭ ەمدەۋ حاتتامالارىنا ۇقساس. رەسەيدە جوسپارلى مەديتسينالىق كومەك كورسەتۋ شەكتەلگەن, پاتسيەنتتەر لەگى بولىنگەن, ۇيگە شىعۋ ءۇشىن بريگادالار قۇرىلعان جانە كومەكتى بارىنشا ۇيدە كورسەتۋگە كوڭىل بولىنەدى.

– ولار توسەكتىك ورىنداردى وتتەگى نۇكتەلەرىمەن قامتاماسىز ەتۋ تۋرالى ايتتى. ءنوۆوسىبىر وبلىسىندا دا ورتالىقتاندىرىلعان وتتەگى نۇكتەلەرى جوق جەرلەردە وتتەگى كونتسەنتراتورلارى قولدانىلۋدا, – دەيدى وبلىستىڭ شتاتتان تىس باس رەانيماتولوگى يننا گلوۆاتسكايا.

ال قازىر پاۆلودار ءوڭىرىنىڭ ەمحانالارىندا 93 ءموبيلدى بريگادا جۇمىس ىستەيدى. ولار شاقىرۋلارعا جەدەل شىعۋ جانە ۇيدە ساپالى مەديتسينالىق قىزمەت كورسەتۋ ءۇشىن بارلىق قاجەتتى قۇرال-جابدىقپەن قامتاماسىز ەتىلگەن. بۇگىندە وتتەگى نۇكتەلەرىنىڭ سانى وسۋدە, ايدىڭ سوڭىنا دەيىن 600-گە جەتكىزۋ جوسپارلانۋدا. سونداي-اق وتتەگى كونتسەنتراتورلارىنىڭ سانى بەلسەندى تۇردە ارتىپ كەلەدى.

جالپى, وڭىردەگى الەۋمەتتىك مەديتسينالىق ساقتاندىرۋ قورى ناۋرىز-ماۋسىم ارالىعىندا ىندەت ينفەكتسياسىن دياگنوستيكالاۋ ءۇشىن 6,5 مىڭ پتر-زەرتتەۋگە 88,6 ملن تەڭگە بولگەن. قور ديرەكتورى نۇرلان قاسىموۆتىڭ ايتۋىنشا, 3,1 مىڭ تەست ستاتسيو­نارلاردا جانە دارىگەرلەر جولداماسىمەن 3,4 مىڭ تەست جۇرگىزىلدى.

پاۆلودار وبلىسى