كۇللى ادامزاتتى دۇرلىكتىرگەن كوروناۆيرۋس ىندەتى وكىنىشكە قاراي ەلىمىزدى دە اينالىپ وتكەن جوق. قاۋىپتى ىندەتپەن كۇرەستە مەملەكەت تاراپىنان ءتيىستى شارالار قابىلدانىپ, بارلىق وڭىردە ساقتىق شارالارى كۇشەيتىلدى. سونىمەن قاتار ءتۇرلى سالادا قىزمەت اتقارىپ جۇرگەن ازاماتتاردىڭ ورتاق ۇيىمشىلدىعىنىڭ ناتيجەسىندە ناۋقاستار مەن سول ناۋقاستاردى ەمدەۋ جولىندا باسىن بايگەگە تىگىپ جۇرگەن مەديتسينا قىزمەتكەرلەرىنە لايىقتى قولداۋ كورسەتىلۋدە. بۇل ءۇردىس جامبىل وبلىسىندا دا لايىقتى دەڭگەيدە جالعاسۋدا.
جۋىردا «قازفوسفات» جشس باس ديرەكتورى, قازاقستاننىڭ ەڭبەك ەرى مۇقاش ەسكەندىروۆ جەكە قاراجاتىنىڭ ەسەبىنەن ارقايسىسىنىڭ قۇنى 580 مىڭ تەڭگە تۇراتىن 10 جاساندى تىنىس الۋ اپپاراتتارىن ساتىپ الىپ, وبلىستىق اۋرۋحاناعا تاپسىرعان بولاتىن. سونىمەن قاتار بۇگىندە وڭىردە مۇقتاج وتباسىلارعا پنەۆمونيا مەن كوروناۆيرۋسقا قارسى ءدارى-دارمەكتەر تاراتىلۋدا. تۇرعىندارعا قاجەتتى مىڭنان استام مەديتسينالىق پاكەت قامتىلعان. ال تاراز قالاسىنىڭ اكىمى ايتقازى قارابالاەۆتىڭ ايتۋىنشا, اكىمدىكتىڭ قولداۋىمەن جانە «سۋپەر-فارم» جەرگىلىكتى كاسىپورنىنىڭ قارجىلاندىرۋىمەن قالاداعى 9 ەمحاناعا 560 ءدارى-دارمەك پاكەتى جەتكىزىلگەن. ءبىر عانا №5 ەمحاناعا جەتكىزىلگەن ءدارى-دارمەكتىڭ جالپى قۇنى 27 ملن تەڭگەنى قۇرايدى. جەتكىزىلگەن ءدارى-دارمەكتەر قاتارىندا كسارەلتو, وسەلتاميۆير اكريحين, زيتروكس سەكىلدى قىمبات پرەپاراتتار دا بار. كەيبىرىنىڭ باعاسى 7 مىڭ تەڭگەدەن باستالادى. سونداي-اق تاراتىلعان پاكەتتەردە شپريتستەر, سيستەمالار, سپيرتتىك سۇلگىلەر, كوروناۆيرۋس ينفەكتسياسى مەن پنەۆمونيانى ەمدەۋگە ارنالعان انتيبيوتيكتەر, دارۋمەندەر, انتيپيرەتيكالىق جانە قابىنۋعا قارسى دارىلەر بار. ءبىر پاكەت ءبىر اپتالىق ەمدەۋ كۋرسىنا ارنالعان. وزىندىك قۇنى بويىنشا باعاسى 7 825 تەڭگەنى قۇرايدى. بۇدان بولەك, قالا اكىمدىگىنىڭ تاراپىنان جۇقپالى اۋرۋلار اۋرۋحاناسىندا ەم الىپ جاتقان 250 ناۋقاسقا ىستىق تاماق ۇيىمداستىرىلعان. وبلىستىق كوپبەيىندى بالالار اۋرۋحاناسى مەن №1 قالالىق اۋرۋحاناسىندا ەم الىپ جاتقان ناۋقاستار مەن مەديتسينا قىزمەتكەرلەرىنە دە ىستىق تاماق پەن وزگە دە قاجەتتى كومەكتەر كورسەتىلۋدە. ال «رۋحاني جاڭعىرۋ» جوبالىق ءوفيسى باستاماشى بولعان «قىمىزمۇرىندىق» شاراسىنا تارازدىق كاسىپكەرلەر دە ءوز ۇلەسىن قوسۋدا. قاۋىپتى ىندەتتى جۇقتىرعاندار ەم الىپ جاتقان وبلىستىق كوپبەيىندى بالالار اۋرۋحاناسىنا 100 ليتر قىمىز جەتكىزىلگەن. بۇل ءۇردىس ءالى دە جالعاسىن تابادى.
سونىمەن قاتار «تاراز» الەۋمەتتىك-كاسىپكەرلىك كورپوراتسياسى» اق جانە «اتامەكەن» وڭىرلىك كاسىپكەرلەر پالاتاسىنىڭ قولداۋىمەن قوسىمشا 520 ءدارى-دارمەك پاكەتى ساتىپ الىنعان. «اتامەكەن» وڭىرلىك كاسىپكەرلەر پالاتاسىنىڭ ديرەكتورى سامات قوساليەۆتىڭ ايتۋىنشا, وڭىردەگى كاسىپكەرلەردىڭ قولداۋىمەن 350 ملن تەڭگەگە جۋىق قاراجات جينالعان. وعان جاساندى تىنىس الۋ اپپاراتتارى جانە قاجەتتى ءدارى-دارمەكتەر ساتىپ الىنىپ, وبلىستىڭ بارلىق اۋدانىنا تەگىن تاراتىلعان. وڭىردە باستاۋ العان «جاقسىلىق جارشىسى» اكتسياسى ءالى دە جالعاسىن تاباتىن بولادى. سونداي-اق «تاراز» الەۋمەتتىك-كاسىپكەرلىك كورپوراتسياسى» اق باسقارما توراعاسى ولجاس قارجاۋوۆ وبلىستاعى قايىرىمدىلىق اكتسياسىنا كاسىپكەرلەردىڭ ءبىراۋىزدان اتسالىسقانىن جەتكىزدى. بۇل قايىرىمدىلىق اكتسياسىنا اتالعان ەكى مەكەمە مۇرىندىق بولعان. ءبىرىنشى ارنايى توپ وبلىستاعى بارلىق اۋداندى ارالاپ شىعىپتى. اۋەلگى كەزەكتە قاجەتتى زاتتار تىزىمدەلگەن ەكەن. ماسەلەن, بايزاق اۋدانىنا تسەفترياكسون, زيتروكس, اتسەتيلساليتسيل, انتيگريپپين, پاراتسەتامول جانە گليۋكوزا سياقتى قاجەتتى دارىلەر جەتكىزىلگەن.
ء«بىز وڭىردەگى بارلىق اۋداندار مەن اۋىلداردى ارالاپ شىقتىق. انتيۆيرۋستىق, ىستىقتى تۇسىرەتىن دارىلەردى جەتكىزدىك. بۇل شاراعا اتسالىسقان بارلىق كاسىپكەرلەرگە العىس ايتقىم كەلەدى. ەندى وبلىس اكىمى بەردىبەك ساپارباەۆتىڭ تاپسىرماسىمەن ءوڭىردىڭ جەدەل جاردەم اۆتوكولىكتەرىن جاڭارتۋدى قولعا الماقپىز», دەيدى و.قارجاۋوۆ. تاعى ءبىر ايتا كەتەرلىگى, قايىرىمدىلىق اكتسياسىنا «تاراز» الەۋمەتتىك-كاسىپكەرلىك كورپوراتسياسى مەن «اتامەكەن» وڭىرلىك كاسىپكەرلەر پالاتاسى وبلىستاعى ءدارىحانالاردان تاپسىرىس الىپ, تۇرعىندارعا ارزان باعاعا ءدارى-دارمەك تاۋىپ بەرۋ جاعىن قولعا الىپتى. بۇگىنگى تاڭدا شىمكەنت قالاسىنداعى «زەردە» ءدارىحانالار جەلىسىمەن اتالعان باعىتتا جۇمىستار باستالىپ كەتكەن.
جامبىل وبلىسى