جەكە قارجىنى باسقارۋدى ۇيرەنۋ ماڭىزدى

Standard&Poors رەيتينگ اگەنتتىگىنە سىلتەمە جا­سا­عان كومپانيا, 2014 جىلى قازاق­ستاندىقتاردىڭ 40 پايىزى قارجىلاي ساۋاتتى بولدى دەگەن دەرەكتى العا تارتتى. ال دامىعان ەل­دەردىڭ كورسەتكىشتەرى ول كەزدە 50-55 پايىزدان اسپاي­­تىن.

ەلىمىزدىڭ قارجى نارى­عىن رەتتەۋ جانە دامىتۋ اگەنتتىگى جۇرگىزگەن ون­لاين-ساۋالداماعا ساي­كەس, قازىرگى تاڭدا قازاق­ستان­داعى قار­جى­لىق ساۋات­­تىلىقتىڭ ور­تاشا كور­سەت­كىشى 80 پايىز­دى قۇراي­دى. اگەنت­تىك­­تىڭ زەرت­تەۋى­نە جاسى جيىر­مادان اس­قان 25 019 ادام قاتىس­قا­نىن, رەس­پون­دەنت­تەر­دىڭ باسىم كوپ­شىلىگى ەر ادامدار بولعانىن اي­تا كەتەيىك. قارجىلىق ساۋات­تىڭ نەگىزگى ولشەمى رەتىندە نە­سيە الۋ, دەپوزيت اشۋ, بانك كارتالارىن قولدانۋ, ينتەرنەت-بان­كينگتى پايدالانۋ, ەرىك­تى ساقتاندىرۋ, قور نا­رىعى قۇرال­دارىمەن جۇمىس ىستەۋ جانە باسقالا­رى قا­راس­تىرىلعان. ناتيجە­سىندە, قاتىسۋشىلاردىڭ 88 پايىزدان استامى ءبىر رەت بولسا دا نەسيە العانى, 67 پايىزىنىڭ دەپوزيت­ اش­قانى, 88 پايىزعا جۋى­­­عى بانك كارتاسىن قول­دا­ناتىنى, 39 پايىزى ەرىكتى ساق­تاندىرۋ قىزمە­تىنە جۇ­گىن­گەنى انىقتالدى.

زەرتتەۋ كورسەتكەندەي, رەسپوندەنتتەردىڭ 89 پايى­زى جەكە نەمەسە وتباسى بيۋد­جەتىن جۇرگىزەدى. 88 پايىزى قارجىلىق قىزمەت كورسەتۋ تۇتىنۋشىلارى رە­تىندەگى قۇقىعى شەكتەلسە قايدا حابارلاسۋ كەرەك­تى­گىنەن حاباردار.

OECD دەرەكتەرىنە سۇيەن­­سەك, حالىقتىڭ قار­جىلىق ساۋاتىنىڭ دەڭگەيى بويىنشا تمد ەلدەرى ىشىن­دە ەڭ جوعارى ورىندا رەسەي فەدەراتسياسى تۇر. ودان كەيىنگى ورىن بە­لارۋسكە, ءۇشىنشى ورىن قازاق­ستانعا تيەسىلى. ءبىزدىڭ ەلدەن كەيىن­گى ساتىعا ار­مەنيا, ازەر­باي­جان, قىر­عىز­ستان, تاجىك­ستان ەلدەرى ورنالاستى.

بريتاندىق HowMuch اقپاراتتىق پورتالىنىڭ زەرتتەۋى بويىنشا, قار­­جىلىق ساۋات دەڭگەيى بو­يىن­شا دۇنيە جۇزىندە دانيا كوش باستايدى. ال­عاش­قى وندىققا نور­ۆەگيا, شۆەتسيا, كانادا, يز­رايل, ۇلىبريتانيا, گەر­مانيا, نيدەرلاند, اۋس­ترا­ليا جانە فينليانديا ەنەدى.

Freedom Finance Life كومپانياسى حابارلاعانداي, قارجىلىق ساۋاتتى كوتەرۋ ءۇشىن ەڭ باستىسى, ازاماتتار جەكە قارجىسىن باسقارۋدى ۇيرەنۋى كەرەك. تاپقان كاپيتالدى ءتيىمدى باسقارۋ, شىعىنداردى تابىستان اسىرماۋ ادىستەرىن ءتۇسىنۋ وتە ماڭىزدى.

– ءبىر قاراعاندا ءبارى وڭاي سياقتى, الايدا زاماناۋي قارجى قۇرالدارىن اقشا جيناۋ, جۇمساۋ جانە ساقتاۋ ءۇشىن ساۋاتتى پايدالانۋ ءبارىنىڭ بىردەي قولىنان كەلە بەرمەيدى. مىسالى, قول­­­ما-قول قاراجاتتى كەي­بى­رەۋ­لەر ءالى كۇنگە ۇيدە ساق­­­تا­­عاندى دۇرىس كورە­دى, اق­شا­نىڭ ۋاقىت وتە قۇن­سىز­داناتىنىن ەسكەرمەيدى. قۇن­­سىزدانۋ قاۋپى وتە زور, – دەيدى كومپانيا ساراپشىلارى.

زەرتتەۋ ناتيجەسىنە سۇ­يەن­سەك, كەيبىرەۋلەر بۇ­گىنگە دەيىن, بانك كارتالارىمەن وپەراتسيا جاساۋعا قورقادى. قارجى سالاسىنداعى ءبى­لىمىن جەتىلدىرۋدى ارمانداي­تىن ازاماتتار دا كوپ. حالىق­تىڭ قارجىلىق ساۋاتىن جەتىل­دىرۋ ءۇشىن ءتيىس­تى اق­پاراتتار بارىنشا قول­جەتىم­دى, تۇسىنىكتى ءارى تەگىن بو­لۋى ءتيىس. سەبەبى بۇل ازا­مات­تاردىڭ وزىنە عانا ەمەس, مەملەكەت ءۇشىن دە پاي­­دالى.