"باسپانا حيت" يپوتەكالىق باعدارلاماسى بويىنشا پايىزدىق مولشەرلەمەلەر 11,25%-دان 10,75%-عا دەيىن تومەندەتىلدى. بۇل تۋرالى قازاقستاننىڭ ورنىقتىلىق قورى حابارلايدى, دەپ جازادى Egemen.kz
پايىزدىق مولشەرلەمەدەگى وزگەرىستەر قازاقستان رەسپۋبليكاسى ۇلتتىق بانكىنىڭ (بۇدان ءارى – قرۇب) بازالىق مولشەرلەمەنى 9,5%-دان 9%-عا دەيىن تومەندەتۋ بويىنشا شەشىمىن جاريالادى.
"باسپانا حيت" باعدارلاماسى بويىنشا جىلدىق سىياقى مولشەرلەمەسىنىڭ مولشەرى قرۇب بازالىق مولشەرلەمەسىنە بايلانىستى بولاتىنىن (قرۇب بازالىق مولشەرلەمەسى +1,75%) ەسكە سالامىز.
بۇل باعدارلاما بويىنشا مولشەرلەمە يپوتەكالىق قارىز شارتىن جاساۋ ساتىندە تىركەلەدى جانە كليەنت ءۇشىن وزگەرىسسىز قالادى. وسىعان بايلانىستى پايىزدىق مولشەرلەمەدەگى وزگەرىستەر جاڭا قارىز الۋشىلارعا عانا قاتىستى بولادى.
"باسپانا حيت" باعدارلاماسىنىڭ تالاپتارىنا سايكەس 300 ملرد تەڭگەگە قارىز بەرۋ جوسپارلانىپ وتىر, بۇگىنگى تاڭدا ونىڭ 224 ملرد تەڭگەسى يگەرىلدى.