تارازداعى ەسكى مەكتەپتەر قايتا جاڭارتىلۋدا

اتالعان ءبىلىم نىسانىنىڭ قۇرىلىسىن جۇرگىزۋشى مەردىگەر كومپانيا "بىرلىك سەرۆيس ي كو" جاۋاپكەرشىلىگى شەكتەۋلى سەرىكتەستىگى. مەكتەپ 180 وقۋشىعا ارنالعان. جاڭا جوبا بويىنشا مۇندا اكت زالى, سپورت زالى, اسحانا, شەبەرحانالار سالىنادى. ايتا كەتەرلىگى, ەسكى عيمارات جوباسىندا بۇل بولماعان. سونداي-اق, №2 ورتا مەكتەپتىڭ ورنىنا دا جاڭا وقۋ وشاعى سالىناتىن بولدى. نەگىزىنەن 318 وقۋشىعا ارنالعان ءبىلىم نىسانىنىڭ ەسكى عيماراتى بۇزىلدى.

مەردىگەر "تالاس قۇرىلىس" كومپانياسى اتالعان نىساندى كەلەر جىلدىڭ باسىندا تاپسىرۋدى جوسپارلاپ وتىر. جاڭا عيمارات اسحانا جانە ءماجىلىس زالىمەن قامتىلادى.

№16 ورتا مەكتەپ ءۇش عيماراتتان تۇرادى. ءبىر عيمارات بۇزىلىپ, ورنىنا جاڭا عيمارات سالىناتىن بولدى. ال, ەكىنشى عيمارات جوندەۋدى قاجەت ەتۋدە. قۇرىلىس جوباسىنا ساراپتاما قورىتىندىسى بىرەر كۇندە دايىن بولادى. قورىتىندى دايىن بولعان سوڭ قۇرىلىسشىلار بىردەن جۇمىسقا كىرىسەدى دەپ جوسپارلانۋدا.

ءۇشىنشى عيمارات ازىرگە جارامدى كۇيىندە. جامبىل وبلىسىنىڭ اكىمى بەردىبەك ساپارباەۆ جاڭا سالىنىپ جاتقان ءبىلىم نىساندارىن ارالاپ كورىپ, مەردىگەرلەرگە بەكىتىلگەن قۇرىلىس مەرزىمدەرىنىڭ ساقتالۋ كەرەكتىگىن اتاپ ءوتتى. مەكتەپ الاڭدارىن اباتتاندىرۋ دا ماڭىزدى مىندەتتەرىنىڭ ءبىرى ەكەنىن ەسكەرتتى. سونىمەن قاتار, مەكتەپ ديرەكتورلارىنا دا بىرقاتار ماسەلەلەردى ايتتى.

"ەڭ باستىسى – ءبىز بالالارعا جايلى جانە قاۋىپسىز جاعداي جاساۋىمىز كەرەك. وقۋشىلار جاڭا جابدىقتالعان كابينەتتەردى كورىپ, مارقايىپ قالۋى ءتيىس. وبلىستا اپاتتى جاعدايداعى, ءۇش اۋىسىمدى جانە ورىن تاپشىلىعى بار مەكتەپتەردىڭ ماسەلەسى كەزەڭ-كەزەڭىمەن شەشىلۋدە. سونىمەن قاتار, بۇل رەتتە ماتەريالدىق بازاعا عانا ەمەس, مۇعالىمدەردىڭ ساباق ءوتۋ ءتاسىلى مەن ساپالى ءبىلىم بەرۋ جايىنا دا ايرىقشا نازار اۋدارۋ كەرەك", - دەدى بەردىبەك ساپارباەۆ.

جامبىل وبلىسى