قىزىلوردا وبلىسىندا ءدارى-دارمەكتەردى زاڭسىز, نەگىزسىز قىمباتتاتىپ ساتۋ دەرەكتەرىن انىقتاۋ باعىتىندا ءتيىستى ورىندار تاراپىنان جۇمىس جۇرگىزىلۋدە.
بۇگىن قىزىلوردا وپد ەسىرتكى قىلمىسىنا قارسى ءىس-قيمىل باسقارماسىنىڭ باستىعى, پوليتسيا پودپولكوۆنيگى ەربولات تۇراحمەتوۆ پەن وبلىس بويىنشا ەكونوميكالىق تەرگەۋ دەپارتامەنتىنىڭ باسشىسى ارداق بيعاليەۆ وتكىزگەن بريفينگتە وسى باعىتتاعى جۇمىستاردىڭ جاي-جاپسارى ايتىلدى.
از ۋاقىتتىڭ ىشىندە دارىلىك زاتتاردى زاڭسىز ساتۋدىڭ 23 دەرەگى انىقتالعان. ونىڭ ون بىرىندە زاڭسىز كاسىپكەرلىكپەن اينالىسقانداردىڭ دارىلىك پرەپاراتتاردى جوعارى باعامەن ساتقانى بەلگىلى بولعان.
7 شىلدە كۇنى 38 جاستاعى قىزىلوردا قالاسىنىڭتۇرعىنى زاڭسىز 55 دانا "كەتاتوپ" دارىسىن ساتىپ تۇرعان جەرىنەن ۇستالدى. مۇندايلار ءۇشىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق كودەكسىنىڭ 424-بابىنىڭ 1-بولىگىمەن اكىمشىلىك جاۋاپكەرشىلىك قارالعان.
ءدارىحانالاردا ءدارى-دارمەكتەردى جوعارى باعامەنساتۋدىڭ 12 دەرەگى بەلگىلى بولدى.
- ايماقتا "دەكسامەتازون" دارىلىك پرەپاراتىنىڭ (ينەكتسياعا ارنالعان ەرىتىندى) ءبىر امپۋلاسى 1500 تەڭگەدەن ساتىلعان. قازىرگى تاڭدا اتالعان ءدارى-دارمەكتىڭباعاسى تۋرالى ەكسپەرتتەردىڭ قاتىسۋىمەن تەكسەرۋ جۇرگىزىلۋدە, – دەدى وبلىس بويىنشا ەكونوميكالىق تەرگەۋ دەپارتامەنتىنىڭ باسشىسى ارداق بيعاليەۆ.