ەلىمىزدەگى كارانتين رەجيمىنىڭ قاتاڭداۋىنا بايلانىستى وبلىس ورتالىعىن زالالسىزداندىرۋ جۇمىستارى ۇزدىكسىز جالعاسۋدا.
بەلگىلەنگەن ارنايى كەستەگە سايكەس "وڭتۇستىك" وڭىرلىك قولباسشىلىعىنا قاراستى اسكەريلەر مەن "قىزىلوردا تازالىعى" مەكەمەسى ماماندارى كۇندەلىكتى دەزينفەكتسيالاۋ جۇمىستارىن جاساۋدا.
بۇگىن زالالسىزداندىرۋ جۇمىستارى قالانىڭ شەت ايماقتارىنداعى گاگارين جانە تيتوۆ قىستاقتارىندا جۇرگىزىلدى. كوپقاباتتى ۇيلەردىڭ اۋلالارى, كىرە بەرىستەرى, بالالار ويىن الاڭدارى, دۇكەندەر مەن ساۋدا ورىندارى, ايالدامالار مەن قوقىس جاشىكتەرى, حالىق كوپ شوعىرلاناتىن جەرلەر جانە ساۋلەت مولتەك اۋدانىنا قاراستى كوشەلەر دەزينفەكتسيالاندى.
كارانتين رەجيمى ەنگىزىلگەننەن باستاپ بۇگىنگە دەيىن قالاداعى ادام كوپ شوعىرلاناتىن ورىندار مەن تۇرعىن ۇيلەردىڭ اۋماقتارىنا بىرنەشە مارتە دەزينفەكتسيالاۋ جۇمىستارى جۇرگىزىلىپ, 6,5 ملن شارشىمەترگە جۋىق ايماق زالالسىزداندىرىلدى. بۇل جۇمىستارعا بارلىعى 81 ادام, 8 تەحنيكا جۇمىلدىرىلعان.