2020 جىلى جامبىل وبلىسىندا جەرگىلىكتى جولداردىڭ شامامەن 320 شاقىرىمى جاڭارتىلاتىن بولادى. مۇندا اۆتوموبيل جولدارى سالاسىندا 20 جوبا جۇزەگە اسىرىلۋدا, دەپ حابارلايدى Egemen.kz يدم-ءنىڭ ءباسپاسوز قىزمەتىنە سىلتەمە جاساپ.
وسى رەتتە وڭىردە 18 شاقىرىم جاڭا جول سالىنسا, وبلىستىق جانە اۋداندىق ماڭىزى بار جولداردىڭ 6,1 شاقىرىمى قايتا جاڭارتۋ جانە 295,77 شاقىرىمى ورتاشا جوندەۋ جۇمىستارىمەن قامتىلعان. جول كومپانيالارى "قىرعىزستان شەكاراسىنا اپاراتىن تاراز قالاسىنىڭ وڭتۇستىك اينالما جولىن" سالىپ جاتىر. سونىمەن قاتار, وبلىستا 11 شاقىرىمدىق "تاراز – سارىكەمەر – تۇيمەكەنت – اقشولاق" جولى قايتا جاڭارتۋ جۇمىستارىنان وتۋدە. سونداي-اق, وڭىردە "اقكول – ويىق – ۇلانبەل" (40-56 -236,6 شاقىرىم), "وتار – سۇلۋتور – كوكتوبە" (17-30 شاقىرىم), "تاراز – اسا – اقكول – ساۋداكەنت" (21-32 شاقىرىم), "ۇشبۇلاق – سارىكەمەر" (0 – 5,244 شاقىرىم), "تولە بي – مويىنقۇم – اقتوبە" (6-20,7 شاقىرىم), "كۇيىك – قاراباستاۋ – قاراتاۋ – جاڭاتاس – ساۋداكەنت" (66,220-80 شاقىرىم), "قاقپاتاس – بەرىكتاس" (0-5 شاقىرىم), "بەتقاينار – سوعاندى" (0-23,7 شاقىرىم) جولدارى بيىل ورتاشا جوندەۋ جۇمىستارىنان وتەدى. بۇدان بولەك, "بەرلىك – مويىنقۇم – ۇلانكول" جولىنىڭ 3 ۋچاسكەسى (271-300, 200-220 جانە 53,590-75,815 شاقىرىمدارى), سونداي-اق, "العا-قوعادىر" جولىنىڭ 9 شاقىرىمى, "ورنەك – توعىزتاراۋ – جاڭاوتكەل" جولىنىڭ 6 شاقىرىمى جانە "قاراتاۋ – كوكتال" جولىنىڭ 14,5 شاقىرىمى جاڭارتىلماق. مۇنىمەن قوسا, جولشىلار قۇلان, قاراوي, اققۇم جانە تۇرلىباي ەلدى مەكەندەرىنە كىرۋ جولدارىن جوندەيتىن بولادى.
ەسكە سالايىق, جامبىل وبلىسىنداعى جەرگىلىكتى جولداردىڭ جالپى ۇزىندىعى 3176 شاقىرىمدى قۇرايدى. جاقسى جانە قاناعاتتاندىرارلىق جاعدايداعى جولداردىڭ ۇلەسى – 85%.