قىرعىزستاننىڭ سىرتقى ىستەر ءمينيسترى چينگيز ايداربەكوۆ سەيسەنبى كۇنى ءوزىنىڭ Facebook پاراقشاسىندا كوروناۆيرۋس ينفەكتسياسىمەن اۋىرعانى تۋرالى مالىمدەمە جاسادى, دەپ حابارلايدى Egemen.kz
"مەنىڭ بۇكىل يممۋندىق جۇيەم 11 كۇن بويى وسى ۆيرۋسپەن كۇرەستى. قازىر اللاعا راقمەت! دەنساۋلىعىم ورنىنا كەلىپ جاتىر", دەيدى چينگيز ايداربەكوۆ.
ونىڭ ايتۋىنشا, پاندەميانىڭ اۋىر كەزەڭىندە سىرتقى ىستەر مينيسترلىگىنىڭ جۇمىسى ءبىر مينۋتقا دا توقتامايدى. سونداي-اق ديپلوماتتار ءتيىمدى شارالاردى قولدانىپ جاتقانىپ اتاپ ءوتتى.
بۇگىنگى كۇنى قىرعىزستاندا COVID-19 جۇقتىرعانداردىڭ جالپى سانى 11 538-گە دەيىن ءوستى. ونىڭ 149-ى قايتىس بولسا, اۋرۋحانالاردان 3569 ناۋقاس جازىلىپ شىقتى.