پەتروپاۆل تۇرعىنىنان 40 گراممعا جۋىق مەفەدرون سينتەتيكالىق ەسىرتكىسى الىندى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.
ەسىركى قىلمىسىن جاسادى دەگەن كۇدىككە پەتروپاۆل قالاسىندا تۇراتىن 18 جاستاعى بويجەتكەن ىلىكتى. پوليتسەيلەر قالا تۇرعىنىنان 40 گرامعا جۋىق مەفەدرون سينتەتيكالىق ەسىرتكىسىن الدى.
اسەرى كۇشتى ءارى اسا قاۋىپتى ديزاينەرلىك ەسىرتكىلەردىڭ ءبىرى سولتۇستىك قازاقستان وبلىسىندا العاش رەت انىقتالىپ وتىر. – سوتقا دەيىنگى تەرگەپ-تەكسەرۋ شەڭبەرىندە جەدەل ءىس-شارالار, ونىڭ ىشىندە كۇدىكتىنىڭ تۇرعىلىقتى جەرى بويىنشا ءتىنتۋ جۇرگىزىلدى. پاتەردە ەسىرتكىگە ۇقساس زات سالىنعان تۇيىنشەك تابىلدى.
جۇرگىزىلگەن سوت-حيميالىق ساراپتاما زاتتىڭ مەفەدرون ەكەنىن راستادى, – دەدى سقو پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى جاندوس باسىباەۆ. سونداي-اق, پوليتسەيلەر بۋىپ-تۇيەتىن ماتەريالدار, نوۋتبۋكتار, تارازى جانە باسقا دا ەسىرتكى كاسىبىن راستايتىن زاتتاردى انىقتادى.
سوتقا دەيىنگى تەرگەۋ ماتەريالدارىنان كۇدىكتىنىڭ بىرنەشە اي بويى ينتەرنەت-دۇكەن ارقىلى ەسىرتكى ساتىپ الىپ, اسا قاۋىپتى زاتتى "جاسىرۋ" بايلانىسسىز ءتاسىلى ارقىلى ساۋدالاعانى بەلگىلى بولدى. قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلۋدە, سوت ساراپتاماسى تاعايىندالدى.