اڭگىمەلەسۋ بارىسىندا كساۆە بەتتەل ەلباسىن كەلە جاتقان 80 جىلدىق مەرەيتويىمەن قۇتتىقتاپ, مىقتى دەنساۋلىق پەن دوستاس قازاقستان حالقىنىڭ يگىلىگى ءۇشىن جاڭا تابىستار تىلەدى. بۇل تۋرالى Elbasy.kz حابارلادى, - دەپ جازادى Egemen.kz
ليۋكسەمبۋرگ پرەمەر-ءمينيسترى قازاقستاننىڭ ەداۋىر ىلگەرىلەۋى, ۇلتتىڭ ءال-اۋقاتىنىڭ جاقسارۋى, حالىقارالىق قوعامداستىقتىڭ بەلسەندى جانە جاۋاپتى مۇشەلەرى اراسىنان لايىقتى ورىن الۋى نۇرسۇلتان نازارباەۆتىڭ ەسىمىمەن بايلانىستى ەكەنىن اتاپ ءوتتى.
ەلباسى كساۆە بەتتەلگە قۇتتىقتاۋى ءۇشىن العىسىن ءبىلدىرىپ, قازاقستان رەسپۋبليكاسى مەن ەۋروپالىق وداق اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمدى ەۋروپالىق وداققا مۇشە مەملەكەتتەر اراسىندا ليۋكسەمبۋرگ العاشقىلاردىڭ ءبىرى بولىپ راتيفيكاتسيالاعانىن اتاپ ءوتتى.
تەلەفون ارقىلى سويلەسۋگە ليۋكسەمبۋرگ تاراپى باستاماشى بولدى.