ۋكراينا تاراپى وزىنە كەلەتىن تىڭايتقىشتاردىڭ يمپورتىنا قاتىستى قورعاۋ تەرگەپ-تەكسەرۋلەر جۇرگىزدى, الايدا ءبىزدىڭ ەل كومپانيلارى ءۇشىن قولايسىز شارالاردى قولدانباي اياقتادى, دەپ حابارلادى قازاقستان رەسپۋبليكاسى ساۋدا جانە ينتەگراتسيا مينيسترلىگىنىڭ ءباسپاسوز قىزمەتى.
ۋكراينا نارىعى "قازفوسفات" جشس جانە "قازازوت" اق قازاقستاندىق كومپانيالارى وندىرەتىن تىڭايتقىشتارعا ارنالعان نەگىزگى وتكىزۋ نارىقتارىنىڭ ءبىرى بولىپ تابىلادى.
قازاقستاننىڭ ۋكرايناعا ورتاشا جىلدىق ەكسپورتى شامامەن 41 ملن اقش دوللارىنا 110 مىڭ توننا قۇرايدى. مۇنداي نارىقتىڭ جابىلۋى وتاندىق كاسىپورىندارعا تەرىس اسەر ەتۋى مۇمكىن ەدى.
تەرگەپ-تەكسەرۋ جۇرگىزۋدىڭ بۇكىل كەزەڭى ىشىندە قازاقستاننىڭ ساۋدا جانە ينتەگراتسيا مينيسترلىگى قازاقستاندىق زاۋىتتاردىڭ مۇددەلەرىن قورعاپ, ۋكراينانىڭ ۋاكىلەتتى ورگانىمەن تىعىز ىنتىماقتاستىق ورناتتى.
قازاقستاندىق ساۋدا مينيسترلىگىنىڭ باستاماسىمەن قازاقستاندىق تىڭايتقىشتار ءۇشىن كۆوتالار بەرۋ نەمەسە قازاقستاندىق تاۋاردى شارا قولدانىسىنان شىعارۋ ماسەلەسى قاراستىرىلدى.
سونداي-اق, قازاقستاندىق تاراپ ۋكراينانىڭ ۋاكىلەتتى ورگانىنىڭ شەشىمىن سوت تارتىبىمەن داۋلاۋ مۇمكىندىگىن جوققا شىعارمادى.
جۇرگىزىلگەن جۇمىستىڭ ناتيجەسىندە قازاقستاندىق كومپانيالار ءداستۇرلى وتكىزۋ نارىعىنا ەكسپورتتى جالعاستىرا الادى.