UFC پرەزيدەنتى دانا ۋايت ەكى سالماق بويىنشا ۇيىمنىڭ بۇرىنعى چەمپيونى كونور ماكگرەگوردىڭ سپورتتان كەتكەنىن راستادى, دەپ حابارلايدى Egemen.kz.
"مەن سوڭعى ۋاقىتتا ماكگرەگور تۋرالى ەشقانداي جاڭالىق ەستىگەن جوقپىن. ول كارەراسىن اياقتاپ كەتتى", دەدى ۋايت.
جۋىردا ماكگرەگور كارەراسىن اياقتاعانى تۋرالى حابارلاعان ەدى. بۇعان دەيىن يرلانديالىق سپورتشى ەكى رەت كارەراسىن اياقتاپ, قايتا ورالعان ەدى. كارەراسىن نە ءۇشىن اياقتادى دەگەن ساۋالعا كونور لايىقتى قارسىلاس جوق دەپ جاۋاپ بەرگەن بولاتىن.
31 جاستاعى ماكگرەگور ارالاس جەكپە-جەكتە 2008 جىلدان بەرى ونەر كورسەتتى. سوڭعى كەزدەسۋىن ول 2020 جىلدىڭ قاڭتار ايىندا دونالد سەررونەگە قارسى كەزدەسۋ وتكىزىپ, 40 سەكۋندتا جەڭىسكە جەتتى.
جالپى كونور ارالاس جەكپە-جەكتە 26 كەزدەسۋ وتكىزىپ, 22 كەزدەسۋدە جەڭىسكە جەتىپ, ءتورت رەت ۇتىلعان. يرلانديالىق سپورتشى سوڭعى رەت حابيب نۋرماگومەدوۆتەن جەڭىلگەن ەدى. ول كەزدەسۋ 2018 جىلدىڭ قازان ايىندا ءوتتى.