الماتىدا شىمبۇلاق, مەدەۋ, كوكتوبە ۋاقىتشا جابىلدى

ەسكە سالا كەتەيىك, قالالىق كوميسسيانىڭ كوروناۆيرۋس ينفەكتسياسىنىڭ تارالۋىن توقتاتۋ تۋرالى شەشىمىنە سايكەس, الماتىدا 20-21 ماۋسىم كۇندەرى قالاداعى ەپيدەميولوگيالىق جاعدايدى تۇراقتاندىرۋ ءۇشىن جاپپاي دەزينفەكتسيالاۋ شارالارى جۇرگىزىلەدى.

"مەدەۋ اۋدانىندا بۇگىن جانە ەرتەڭ بارلىق ويىن-ساۋىق ورتالىقتارىنىڭ, ساۋدا ورتالىقتارىنىڭ, ساۋدا ۇيلەرىنىڭ, بازارلاردىڭ, سۋپەرماركەتتەردىڭ, فيتنەس-ورتالىقتار مەن ستاديونداردىڭ قىزمەتى توقتاتىلادى. سونداي-اق, ساياباقتار, سكۆەرلەر,بۋلۆارلار, جاعالاۋلار مەن باسقا دا قوعامدىق ورىندارعا دا بارۋعا بولمايدى", دەپ حابارلاعان بەرىك سولتانباەۆ 28 پانفيلوۆشى ساياباعى, شىمبۇلاق تاۋلى كۋرورتى, مەدەۋ بيىك تاۋلى مۇز ايدىنى, كوكتوبە, بۋتاكوۆكا وسى كەزەڭدە كەلۋشىلەر ءۇشىن جابىق بولاتىنىن اتاپ ءوتتى.

مەدەۋ اۋدانىنىڭ اۋماعىندا 19 سوو, سو, ءسۇ, 2 بازار, 17 سۋپەرماركەت, 31 فيتنەس ورتالىق, 2 ءىرى ساياباق جانە 20 سكۆەر بار. بارلىق كورسەتىلگەن نىسانداردا دەزينفەكتسيا جۇرگىزۋ جوسپارلانعان. وڭدەۋ جۇرگىزۋ ءۇشىن ادامدار مەن جانۋارلار ءۇشىن قاۋىپتىلىگى تومەن زاتتاردىڭ 4 كلاسىنا جاتاتىن پرەپاراتتار قولدانىلادى. ساۋدا نىساندارىن دەزينفەكتسيالاۋد ولاردىڭ يەلەرى جۇزەگە اسىرادى.  

سونداي-اق قوعامدىق تاماقتانۋدىڭ 380 نىسانى. ولاردىڭ ىشىندە 118 جازعى الاڭدار بار. قوعامدىق تاماقتانۋ نىساندارىنا تەك تاپسىرىسپەن الدىرۋ ارقىلى جانە سانيتارلىق-ەپيدەميولوگيالىق نورمالار مەن الەۋمەتتىك قاشىقتىقتى ساقتاۋ ارقىلى جازعى الاڭداردىڭ جۇمىس ىستەۋىنە رۇقسات ەتىلگەن.

سوو ورنالاسقان جەكە ەسىگى بار ءدامحانالار مەن مەيرامحانالار شتاتتىق رەجيمدە جۇمىس ىستەي الادى.

كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا بۇرىندا الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا قالانىڭ بارلىق اۋداندارىندا سانيتارلىق-ەپيدەميولوگيالىق قاۋىپسىزدىك شارالارىن ساقتاۋدى باقىلاۋ بويىنشا مونيتورينگتىك توپتار قۇرىلدى.

"الماتى قالاسى اكىمىنىڭ تاپسىرماسىنا سايكەس, ءار اۋداندا مونيتورينگتىك توپتار قۇرىلدى. بۇگىنگى تاڭدا مەدەۋ اۋدانىنىڭ اۋماعىندا 300-دەن استام نىسان تەكسەرىلدى. ونىڭ ىشىندە 114 نىسان ءتارتىپ بۇزۋشىلىقتى قالپىنا كەلتىرگەنگە دەيىن جابىلدى", - دەدى بەرىك سولتانباەۆ.

مەدەۋ اۋدانى اكىمىنىڭ ورىنباسارى دەزينفەكتسيا كەزىندە, اۋدان بويىنشا پوليتسيا قىزمەتكەرلەرىنىڭ قىزمەتى كۇشەيتىلگەنىن ايتىپ, سونداي-اق تۇرعىنداردى كوزدەلگەن شارالاردى ساقتاۋعا جانە كارانتين رەجيمىن ۇستانۋعا شاقىردى.