شىمكەنتتە ۇلتتىق بىرىڭعاي تەستىلەۋ 20 ماۋسىم مەن 5 شىلدە ارالىعىندا سانيتارلىق تالاپتاردى قاتاڭ ساقتاي وتىرىپ, قالاداعى ءۇش جوعارى وقۋ ورنىنىڭ بازاسىندا وتەدى. شىمكەنت قالاسى ءبىلىم باسقارماسىنىڭ مالىمەتىنشە, تەستىلەۋگە 8 570 تۇلەك قاتىسادى دەپ كۇتىلۋدە, - دەپ جازادى Egemen.kz
ۇبت وتەتىن جوعارى وقۋ ورىندارىنىڭ ءبىرى - م.اۋەزوۆ اتىنداعى وقمۋ بازاسى. شىمكەنت قالاسى اكىمىنىڭ ورىنباسارى الماسبەك مامىتبەكوۆ, شىمكەنت قالاسى ءبىلىم باسقارماسىنىڭ باسشىسى جانات تاجيەۆا ۋنيۆەرسيتەت بازاسىندا ۇلتتىق بىرىڭعاي تەستىلەۋ وتكىزۋدى ۇيىمداستىرۋ بويىنشا دايىندىق جۇمىستارىنىڭ بارىسىمەن تانىسىپ شىقتى. قازىرگى تاڭداعى كارانتين ەرەجەلەرىنە بايلانىستى سانيتاريالىق-ەپيدەميولوگيالىق تالاپتاردى ساقتاۋدىڭ ماڭىزدىلىعى ءسوز بولدى.
م.اۋەزوۆ اتىنداعى وقمۋ رەكتورى داريا قوجامجاروۆا 10 اۋديتوريانىڭ سانيتاريالىق-ەپيدەميولوگيالىق تالاپتارعا ساي ەكەندىگىن جەتكىزدى.