اقمولا وبلىسىنىڭ ششۋچينسك قالاسىندا ەركىن كۇرەستەن قازاقستان ۇلتتىق كومانداسى جاتتىعۋ جيىندارىنا كىرىستى, - دەپ حابارلايدى Olympic.kz.
وقۋ-جاتتىعۋ جيىنىنا جالپى ەسەبى 25 بالۋان شاقىرتۋ العان.
ولاردىڭ قاتارىندا الەم چەمپيوناتىنىڭ جۇلدەگەرلەرى داۋلەت نيازبەكوۆ, نۇرلان بەكجان, دانيار قايسانوۆ, نۇرعوجا قايپانوۆ جانە كوماندانىڭ بەلى مۇشەلەرى عالىمجان وسەرباەۆ, الىشەر ەرعالي, راسۋل قاليەۆ جانە يۋسۋپ باتىرمۋرزاەۆتار بار.
كوماندا باس باپكەرى اسەت سەرىكباەۆتىڭ ايتۋىنشا, سپورتشىلار جيىن كەزىندە سانيتارلىق تالاپتاردى قاتاڭ ساقتايدى.