شىمكەنتتەگى تەمىر جول ۆوكزالىندا كوروناۆيرۋسقا قارسى ءتارتىپ كۇشەيگەن. الەۋمەتتىك اراقاشىقتىق, بەتپەردە رەجىمى, ۆاگوندار اراسىندا جولاۋشىلاردىڭ ءجۇرىپ-تۇرۋى تالاپقا ساي جۇرگىزىلۋدە, دەپ حابارلايدى Egemen.kz
ال جولاۋشىلاردىڭ دەنە تەمپەراتۋراسى عيماراتتىڭ ىشىندەگى كىرەبەرىستە اۆتوماتتى تۇردە انىقتالىپ, كۇزەتشىلەرگە مونيتور ارقىلى بەلگى بەرەدى. اۋا باپتاعىش قۇرىلعىلار ارقىلى زارارسىزداندىرۋ شارالارى جۇرگىزىلەدى.
"تۇرعىنداردىڭ قاۋىپسىزدىگى ءۇشىن عيمارات تازالىعىنا 10 قىزمەتكەر جۇمىلدىرىلعان. كۇنىنە 4 مەزگىل دەزينفەكتسيا شارالارى جاسالادى. جازعى دەمالىس ماۋسىمى باستالعالى پويىز جول قىزمەتىنە جۇگىنگەن جولاۋشىلار قاتارى ارتقان. تۇرعىندار تەك تاسىمالداۋ توقتاماسا بولدى, ءتارتىپتى ساقتاۋعا دايىنبىز", دەيدى شىمكەنت تەمىر جول ۆوكزالىنىڭ باسشىسى ەرعالي مىرزاحمەت.
ەسكە سالا كەتەيىك, ەلىمىزدە جولاۋشىلار پويىزى ءبىرىنشى ماۋسىمنان جۇرە باستادى. شويىن جول تاسىمالىن ىسكە قوسۋ ءۇش كەزەڭنەن تۇرادى. بيلەتتەر 15 مامىردان ساتىلا باستاعان. وسى ۋاقىتقا دەيىن شىمكەنت تەمىر جول ۆوكزالىنان 7000-عا جۋىق بيلەت ساتىلعان.