قىزىلوردا وبلىسىندا وتكىزىلىپ جاتقان "قاراسورا-2020" ارنايى جەدەل-پروفيلاكتيكالىق ءىس-شاراسى بارىسىندا پوليتسيا قىزمەتكەرلەرى جاڭاقورعان اۋدانى تومەنارىق اۋلىندا اۋلاسىنا سورا ەككەن 61 جاستاعى تۇرعىندى ۇستادى, - دەپ حابارلايدى Egemen.kz.
جەدەل-تەرگەۋ توبى قىزمەتكەرلەرى ءۇي اۋلاسىندا 83 ءتۇپ سورا ءوسىپ تۇرعانىن انىقتادى. ول زاتتاي دالەلدەمە رەتىندە الىنىپ, ءتيىستى ساراپتاما تاعايىندالدى.
بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 300-بابىنىڭ 2-بولىگىمەن سوتقا دەيىنگى تەرگەپ-تەكسەرۋ امالدارى جالعاسۋدا, ال اۋىل تۇرعىنى جاڭاقورعان اۋداندىق پوليتسيا ءبولىمىنىڭ ۋاقىتشا ۇستاۋ اباقتىسىنا قاماققا الىندى.
"وبلىس كولەمىندە وتكىزىلىپ جاتقان "قاراسورا-2020" ارنايى جەدەل-پروفيلاكتيكالىق ءىس-شاراسى بارىسىندا دەپارتامەنتتىڭ ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى ەسىرتكىگە قاتىستى 24 قۇقىق بۇزۋشىلىقتى انىقتادى", - دەيدى پوليتسيا دەپارتامەنتىنىڭ باستىعى, پوليتسيا پولكوۆنيگى بەكتورە سۇلتان.
قىزىلوردا وبلىسى