امەريكانىڭ ميننەاپوليس قالاسىندا ورىن العان افروامەريكالىق ازامات دجوردج فلويد قازاسىنان كەيىن اقش-تا باستالعان نازارىلىق شەرۋى ۇلىبريتانيا قاتارلى ەۋروپا ەلدەرىندە جالعاسىن تابۋدا.
كەشە قارت قۇرلىقتىڭ بريستول قالاسىنىڭ قاراپايىم تۇرعىندارى شەرۋ بارىسىندا ءحVىى عاسىردا الەمدە جويداسىز ورىستەگەن قۇل ساۋداسىن جۇرگىزۋشى, اعىلشىن كوپەسى, مەتسەنات ەدۆارد كولستوننىڭ (1636-1721) ەسكەرتكىشىن قۇلاتىپ, ونى وزەنگە باتىرىپ جىبەردى.
بۇل ەسكەرتكىش 1895 جىلى تۇرعىزىلعان ەكەن. سوڭعى جىلدارى ە.كولستوننىڭ تىرىدە اتقارعان ءىس ارەكەتى قوعام تاراپىنان اۋىر سىنعا ۇشىرىپ, ءتىپتى وتكەن جىلدارى ونىڭ ءمۇسىنىن الىپ تاستاۋ جايلى قالانىڭ 11 مىڭ تۇرعىنى قول قويعان نارازىلىق حات قالا مەرىنە تابىستالعان بولاتىن.
ويتكەنى, بۇل ادام سول زامانىندا, ياعني 1672-1689 جىلدارى افريكا قۇرلىعىنان 100 مىڭداعان قارا ءناسىلدى ادامداردى امەريكاعا الىپ بارىپ قۇلدىققا ساتقان. ونىمەن قويماي ءتىرى تاۋارلاردىڭ كەۋدەسىنە ءوز كومپانياسىنىڭ ساۋدا بەلگىسى RAC دەگەن تاڭبا باساتىن بولعان.
قۇلداردى قۇرلىق اسىرىپ تاسىمالداۋ كەزىندە اشتىق پەن اۋرۋ سالدارىنان 20 مىڭ ادام قازا تاپقانى جايلى دەرەك ايتالادى.
بۇل ادام قۇل ساۋداسىنان تۇسكەن اقشاعا بريستول قالاسىنا ۇلكەن كونتسەرت تانحيمىن تۇرعىزىپ, وعان ءوز ەسىمىن بەرگىزگەن ەكەن. 2017 جىلى بۇل مادەني نىساننان ونىڭ اتى الىنىپ تاستالعان ەدى. ەندى مىنە, 125 جىلدان كەيىن ەسكەرتكىشى قۇلاتىلدى. تاريح قاتەلىكتى كەشپەيدى دەگەن وسى شىعار.