5 ماۋسىمدا شەكاراشىلار كەزەكتى رەت جۇككە جاسىرىلعان اۆتوكولىك قۇرالدارىن قىرعىزستانعا زاڭسىز شىعارۋ فاكتىسىنىڭ جولىن كەستى. بۇل تۋرالى ۇقك ءباسپاسوز قىزمەتى حابارلادى.
«ايشا ءبيبى» وتكىزۋ پۋنكتىندە اعاش ماتەريالدارى بار جۇك اۆتوماشيناسى تەكسەرىلدى, وندا جۇكتىڭ اراسىندا ىلەسپە قۇجاتتارى جوق ەكى «دەۋ» جانە «حيۋنداي» ماركالى جەڭىل اۆتوماشينا جاسىرىلعان.
ۇستالعان اۆتوموبيلدەر جامبىل وبلىسى بويىنشا ەكونوميكالىق تەرگەۋ دەپارتامەنتىنە تاپسىرىلدى.
بۇل وسى وتكىزۋ پۋنكتىندە جۇكپەن جاسىرىلعان جەڭىل كولىك قۇرالىن انىقتاۋدىڭ وسى ايداعى ەكىنشى جاعدايى ەكەنىن اتاپ ءوتۋ كەرەك.