جۇرگىزۋشىلەرگە مارشرۋتىن الدىن-الا جوسپارلاۋ ۇسىنىلادى, دەپ حابارلادى ەلوردا اكىمدىگىنىڭ ءباسپاسوز قىزمەتى.
كوشە-جول جەلىسىن ورتاشا جوندەۋ اياسىندا بايتۇرسىنوۆ كوشەسىندە قوشقارباەۆ كوشەسىنەن تاۋەلسىزدىك داڭعىلىنا دەيىنگى ۋچاسكەدە جول-قۇرىلىس جۇمىستارى جۇرگىزىلۋدە, دەپ حابارلادى قالالىق كولىك جانە جول-كولىك ينفراقۇرىلىمىن دامىتۋ باسقارماسى.
وسىعان بايلانىستى 5-20 ماۋسىم ارالىعىندا وسى ۋچاسكەدە كولىك قوزعالىسىن ءىشىنارا توقتاتۋ جوسپارلانعان.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرمااۋ ءۇشىن مارشرۋتىن الدىن-الا جوسپارلاۋى كەرەك. قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز», – دەلىنگەن حابارلامادا.