World Athletics توكيودا وتەتىن جازعى وليمپيادا ويىندارىنا وليمپيادالىق ىرىكتەۋ ەرەجەسىن جاريالادى, دەپ حابارلايدى Olympic.kz.
وليمپيادا 2021 جىلعا كەيىنگە شەگەرىلۋىنە بايلانىستى ىرىكتەۋ ەرەجەسىنە وزگەرىس ەنگىزىلگەن. دەسە دە, وليمپيادالىق ىرىكتەۋ بويىنشا نەگىزگى قاعيدا – بەلگىلى نورماتيۆتەر بويىنشا ىرىكتەۋ وزگەرىسسىز قالعان. سونىمەن قاتار, الەمدىك رەيتينگ بويىنشا دا ەرەجەگە جاڭارتۋلار ەنگىزىلمەگەن. 2019 جىلىدىڭ ىرىكتەۋ ماۋسىمىندا بەلگىلى نورماۆتيۆ ورىنداعان سپورتشىلاردىڭ ناتيجەسى سول بويىنشا ساقتالادى. ال 2020 جىلدىڭ 6 ءساۋىرى مەن 30 قاراشاسى ارالىعىنداعى كۆاليفيكاتسيالىق كەزەڭ ۋاقىتشا توقتاتىلادى.
جاس ەرەكشەلىكتەرىنە بايلانىستى وزگەرىس ەنگىزىلدى. اتاپ ايتقاندا:
- 2001 جىلى جانە وعان دەيىن تۋعان سپورتىشلار;
2002 نەمەسە 2003 جىلى تۋعان سپورتشىلار;
- 2004-2005 جىلى تۋعان جاس سپورتشىلار (U18);
- 2006 جىلى تۋعان 16 جاستان كىشى سپورتشىلاردى ەندى وليمپيادادا كورۋگە بولادى.
سونداي-اق, نورماتيۆتەردى ورىنداۋ ءۇشىن جاڭا كۆاليفيكاتسيالىق كەزەڭ مەن الەمدىك رەيتينگ جاڭاراتىن كەزەڭنىڭ جاڭا نۇسقاسى جاريالاندى.
جولداما 2019 جىلى دوحادا جەڭىل اتلەتيكادان وتكەن IAAF الەم چەمپيوناتىندا مارافون بويىنشا ۇزدىك وندىققا ەنگەن ايەلدەر مەن ەرلەرگە ۇلەستىرىلەدى. سونىمەن قاتار, 2019 جىلدىڭ 1 قاڭتارى مەن 5 ءساۋىرى ارالىعىندا وتكەن World Athletics Gold Label مارافونىنىڭ العاشقى بەس ۇزدىگى, Major Series (توكيو, بوستون, لوندون, بەرلين, چيكاگو جانە نيۋ-يورك) مارافونىنىڭ ۇزدىك ون سپورتشىلارىنا بەرىلەدى.
World Athletics 1 ماۋسىم كۇنى جەڭىل اتلەتتەردىڭ الەمدىك رەيتينگى مەن وليمپيادا ويىندارىنا ىرىكتەلگەن سپورتشىلار ءتىزىمىن جاريالايدى.