بۇل وقىس وقيعا ماحامبەت اۋدانىندا تىركەلىپ وتىر. توتەنشە جاعدايلار دەپارتامەنتىنىڭ حابارلاۋىنشا, 2 ماۋسىمدا قاڭباقتى قىستاعىنان 17 جانە 18 جاستاعى جاسوسپىرىمدەر ۇيالى تەلەفونمەن سويلەسۋ ءۇشىن ءموبيلدى بايلانىس ىزدەستىرۋگە شىققان. بىراق, سول كۇنى قىستاققا قايتا ورالماعان.
–قاڭباقتى قىستاعى ماحامبەت اۋدانىنىڭ ورتالىعىنان 65 شاقىرىم قاشىقتا ورنالاسقان. باستاپقىدا ولاردى تۋىستارى ىزدەستىرىپ, تابا الماعان. سودان سوڭ, 3 ماۋسىمدا توتەنشە جاعدايلار دەپارتامەنتىنە حابار بەرگەن. جوعالعان جاسوسپىرىمدەردى ىزدەۋگە 4 قىزمەتكەر جىبەرىلدى, - دەپ حابارلادى توتەنشە جاعدايلار دەپارتامەنتىنىڭ ءباسپاسوز قىزمەتى.
الايدا, قۇتقارۋشىلار قىستاققا كەلگەنگە دەيىن تۋىستارى ەكى ءجاسوسپىرىمدى ىزدەۋدى توقتاتپاي, قزدەرى تاۋىپ الىپتى. ولاردىڭ ايتۋىنشا, جوعالعان جاسوسپىرىمدەر دالادا ىستىقتان قورعانۋ ءۇشىن يەسىز جاتقان اۆتوكولىكتىڭ كولەڭكەسىنە تىعىلىپتى. شارشاعان بولۋى كەرەك, ولار جەردە ۇيىقتاپ قالعان ەكەن.
اتىراۋ