Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا پارتياىشىلىك تاڭداۋ – پرايمەريزدىڭ قاشان وتەتىنى تۋرالى ايتتى. بۇل تۋرالى Nur Otan-نىڭ ءباسپاسوز قىزمەتى حابارلادى.
«قۇرمەتتى دوستار! بارشاڭىزدى ەلىمىزدىڭ تاۋەلسىزدىگىن, سان عاسىرلىق تاريحى مەن ەگەمەندىگىن بەينەلەيتىن قازاقستان رەسپۋبليكاسىنىڭ مەملەكەتتىك رامىزدەر كۇنىمەن قۇتتىقتايمىن.
Nur Otan پارتياسىنىڭ ليدەرى نۇرسۇلتان نازارباەۆ بيىلعى 17 تامىزدان 3 قازانعا دەيىنگى ارالىقتا پارتياىشىلىك تاڭداۋ – پرايمەريز وتكىزۋ تۋرالى قاۋلىعا قول قويدى. بۇل – ەلباسى جاريالاعان Nur Otan پارتياسىن «قايتا جانداندىرۋدىڭ» ماڭىزدى بولىگى بولىپ تابىلاتىن پارتياىشىلىك دەموكراتيانىڭ زاماناۋي تەتىكتەرىنىڭ ءبىرى.⠀پرايمەريزدىڭ نەگىزگى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋلارىنا پارتيالىق تىزىمدەردى قالىپتاستىرۋ ءۇشىن باسەكەلەس كۇرەس نەگىزىندە جاڭا كوشباسشىلاردى ايقىنداۋ.⠀وزدەرىڭىز بىلەتىندەي, ءبىز بىلتىر Nur Otan-نىڭ كادرلىق رەزەرۆىنە پيلوتتىق رەجيمدە ىرىكتەۋ وتكىزگەن بولاتىنبىز. جوبا الەۋمەتتىك-ەكونوميكالىق دامۋى, تۇرعىندارىنىڭ سانى جانە الەۋمەتتىك توپتارى بويىنشا اركەلكى 14 قالا مەن اۋداندا وتكىزىلدى. 10 مىڭ پارتيالىقتان تۇراتىن كادرلىق رەزەرۆ جاساقتالدى. ءبىزدىڭ قاتارىمىزعا 20 مىڭ ادام قوسىلدى.⠀حالىقارالىق وزىق تاجىريبەلەردى جان-جاقتى قاراستىرىپ, پارتيا ىشىندە قىزۋ تالقىدان وتكىزگەننەن كەيىن پارتيا ساياسي كەڭەسى مۇشەلەرىنىڭ داۋىس بەرۋىمەن پرايمەريز وتكىزۋ ەرەجەسى قابىلداندى. ول ەرتەڭ ءبىزدىڭ رەسمي سايتىمىزدا جاريالاناتىن بولادى.⠀الداعى پرايمەريزدە قازىرگى ترەندتەر ەسكەرىلە وتىرىپ, ءداستۇرلى داۋىس بەرۋمەن قاتار ونلاين-داۋىس بەرۋدى دە وتكىزۋ جوسپارلانىپ جاتىر», - دەدى باۋىرجان بايبەك.⠀ونىڭ ايتۋىنشا, تاياۋ ۋاقىتتا پارتياىشىلىك ىرىكتەۋگە قاتىسۋعا نيەتتەنگەندەردى وقىتۋ باستالادى. ول ءۇشىن ساياسي مەنەدجمەنت مەكتەبى كوممۋنيكاتسيا, سايلاۋشىلارمەن جۇمىس جۇرگىزۋ, كوپشىلىك الدىندا ءسوز سويلەۋ داعدىلارى جانە باسقا دا تاقىرىپتار بويىنشا ونلاين-سەمينارلار ۇيىمداستىرادى.⠀«پارتيامىزدىڭ ليدەرى نۇرسۇلتان نازارباەۆ اتاپ كورسەتكەندەي, «پارتيالىق تىزىمدەرگە حالىقتىڭ ءارتۇرلى بولىگىنىڭ وكىلدەرى, بەدەلدى, ازاماتتاردىڭ سەنىمىنە يە بولعان وتانداستارىمىز كىرۋى ءتيىس».⠀الەۋمەتتىك پارتيالىق ءليفتتى قامتاماسىز ەتۋ –پارتيامىز ءۇشىن باستى مىندەتتەردىڭ ءبىرى. سوندىقتان پارتيا مۇشەلەرىمەن قاتار قوعام ومىرىنە بەي-جاي قارامايتىن, دارىندى دا كرەاتيۆتى بارشا قازاقستاندىقتى الداعى پرايمەريزگە بەلسەندى قاتىسۋعا شاقىرامىز», - دەدى ول.