بۇل تۋرالى يدم ءباسپاسوز قىزمەتى حابارلادى.
قازىرگى ۋاقىتتا ەلىمىز بويىنشا قالالىق اۆتوبۋس باعىتتارىندا شامامەن 10,5 مىڭداي اۆتوبۋس ءجۇر. ولاردىڭ 43%, ياعني 4,5 مىڭداي اۆتوبۋستىڭ شىعارىلعان جىلى 7 جىلدان اسىپ كەتكەن.
وڭىرلەردە اۆتوبۋس پاركتەرىن جاڭارۋدى قولداۋ ماقساتىندا 2018-2019 جىلدارى جەڭىلدىكپەن كرەديت بەرۋ باعدارلاماسى بويىنشا رەسپۋبليكالىق بيۋدجەتتەن 33,5 ملرد. تەڭگە ءبولىندى. بۇل قاراجاتقا وڭىرلەردە قازاقستاندا وندىرىلگەن 693 اۆتوبۋس ساتىپ الىندى.
ال بيىل بۇل ماقساتقا رەسپۋبليكالىق بيۋدجەتتەن 10 ملرد. تەڭگە قاراجات ءبولۋ ماقۇلداندى. وعان وڭىرلەر 1370 اۆتوبۋس ساتىپ الۋدى جوسپارلاپ وتىر.
2020 جىلدان باستاپ الەۋمەتتىك ماڭىزدى باعىتتاردا قىزمەت ەتەتىن تاسىمالداۋشىلار قوسىمشا قۇن سالىعىن تولەۋدەن 3 جىلعا بوساتىلادى. بۇل شارالار جولاۋشىلارعا كورسەتىلەتىن قىزمەت ساپاسىن ارتتىرۋعا جانە وتاندىق زاۋىت وندىرۋشىلەردى قولداۋعا باعىتتالعان.