اقش-تىڭ بۇرىنعى ۆيتسە-پرەزيدەنتى دجو بايدەن ءوزىنىڭ ساياساتتاعى 40 جىلدىق تاجىريبەسىنە قاراماستان ساياسي ءالسىز. اقش پرەزيدەنتى دونالد ترامپ Twitter-دەگى پاراقشاسىندا باسەكەلەسى بايدەنگە وسىلاي دەگەن باعا بەردى.
«ۇيقىلى-وياۋ دجونىڭ ساياساتتا جۇرگەنىنە 40 جىل جانە ەشتەمە تىندىرعان ەمەس. ەندى ول ءوزىن بىردەمەنىڭ جاۋابىن بىلەتىن ادامداي كورسەتپەك, بىراق جاۋاپتى قويىپ سۇراقتى دا بىلمەيدى. السىزدىك انارحيستەردى, مارودەرلەردى نەمەسە باسكەسەرلەردى ەشقاشان جەڭە المايدى. ال دجو ءومىر بويى ساياسي ءالسىز كۇيىندە كەلەدى», دەپ جازعان ترامپ ءوز ءتۆيتىنىڭ سوڭىن «زاڭ مەن ءتارتىپ» سوزىمەن اياقتادى.77 جاستاعى دەموكرات بايدەن الدىمىزدا وتەتىن 2020 جىلعى اقش پرەزيدەنتىنىڭ سايلاۋىندا ترامپتىڭ باستى باسەكەلەسى.USA Today حابارلاعانداي, 1 ماۋسىم كۇنى دەلاۆەر شتاتىنداعى حريستياندار قاۋىمداستىعى وكىلدەرىمەن كەزدەسۋ بارىسىندا بايدەن پرەزيدەنتتىڭ دەمونسترانتتار نارازىلىعىن باسۋ جونىندەگى ارەكەتىن قاتتى سىنعا العان بولاتىن.
ول سونداعى سوزىندە امەريكالىق كونگرەسستى الداعى ۋاقىتتا پوليتسيا ناسىلشىلدىگىنە جول بەرمەس ءۇشىن قۇقىق قورعاۋ ورگاندارىن رەفورمالاۋعا شاقىرعان ەدى.