كۇن سايىن ءتارتىپ ساقشىلارى مەن ەرىكتىلەر ادامدار كوپ جۇرەتىن قوعامدىق ورىنداردا, ساياباقتاردا جاياۋ پاترۋلدىك تەكسەرىسكە شىعادى. ولار كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن سانيتارلىق نورمالاردى ساقتاۋ قاجەتى تۋرالى قالا تۇرعىندارىنا ءتۇسىندىرۋ جۇرگىزۋدە.
پوليتسيا قىزمەتكەرلەرى مەن ەرىكتىلەر سانيتارلىق نورمالار تولىق ساقتالمايىنشا ەلورداداعى كارانتين رەجيمى اياقتالمايتىنى, ءتىپتى ۇزارتىلۋى مۇمكىن ەكەنىن تۇرعىندارعا تۇسىندىرۋدە. سونىمەن قاتار, ولار تەگىن ماسكا دا تاراتتى. ⠀
سانيتارلىق تالاپتار مەن گيگيەنا ەرەجەلەرىن ساقتاۋ – ۆيرۋسپەن كۇرەسۋدىڭ ەڭ ءتيىمدى ءتاسىلى. ەلوردالىقتاردىڭ كۇندەلىكتى ءومىر سالتىنا ورالۋى تىكەلەي وزدەرىنە بايلانىستى. ⠀
سونىمەن قاتار ءتارتىپ ساقشىلارى سانيتارلىق نورمالاردى تولىقتاي ساقتاۋعا شاقىرادى. اتاپ ايتقاندا, ماسكا تاعىپ, 2 مەتر الەۋمەتتىك قاشىقتىق ساقتاۋ, قولدى انتيسەپتيكپەن وڭدەۋ وتە ماڭىزدى.
سونداي-اق ءۇيدى جەلدەتۋ جانە دەزينفەكتسيالاۋ قۇرالدارىن قولدانا وتىرىپ, ىلعالدى تازالاۋ دا قاجەت.