سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
وتىرىستا مادەنيەت جانە سپورت ۆيتسە-ءمينيسترى وركەن بيساقاەۆ جانە سەنات دەپۋتاتى ماناپ كوبەنوۆ بايانداما جاسادى.
زاڭ جوباسىنىڭ نەگىزگى ماقساتى – لوتەرەيالار جانە لوتەرەيا قىزمەتى سالاسىنداعى قوعامدىق قاتىناستاردى قۇقىقتىق رەتتەۋدىڭ تەتىگىن جەتىلدىرۋ.
زاڭ جوباسى لوتەرەيا تاراتۋشىنىڭ (اگەنتىنىڭ) قىزمەتىن رەتتەيدى جانە وسى باعىتتا قولدانىلىپ جۇرگەن قۇقىقتىق كەمشىلىكتەردىڭ ورنىن تولتىرادى. بۇل وزگەرىستەر ازاماتتاردىڭ قۇقىعى مەن زاڭدى مۇددەلەرىنىڭ قورعالۋىن كۇشەيتە تۇسەدى, سونداي-اق لوتەرەيا قىزمەتىن رەتتەيتىن ۋاكىلەتتى ورگاننىڭ جەدەل ءىس-قيمىلىن قامتاماسىز ەتەدى.
سەناتور م. كوبەنوۆتىڭ ايتۋىنشا «زاڭ جوباسىندا لوتەرەيا وپەراتورى بولىپ سانالمايتىن ادامداردىڭ لوتەرەيا وتكىزگەنى ءۇشىن جاڭا اكىمشىلىك جاۋاپكەرشىلىك قاراستىرىلعان. جارناما تۋرالى زاڭناماعا سايكەس لوتەرەيا وپەراتورى مەن تاراتۋشىلارىنان بولەك وزگە تۇلعالاردىڭ لوتەرەيا جارناماسىن ورنالاستىرۋىنا دا تىيىم سالىنىپ وتىر».
تالقىلاۋ قورىتىندىسى بويىنشا قۇجات پالاتا قاراۋىنا جولداندى.