قازالى اۋدانىندا «جۇمىسپەن قامتۋدىڭ 2020-2021 جىلدارعا ارنالعان جول كارتاسى» مەملەكەتتىك باعدارلاماسىنىڭ اياسىندا قۇنى 3 ملرد 11 ملن 89 مىڭ تەڭگە بولاتىن 42 جوبا ىسكە اسىرىلىپ جاتىر. وسىنىڭ ناتيجەسىندە جۇزدەگەن تۇرعىنعا جۇمىس تابىلىپ, الەۋمەتتىك نىساندار جاڭعىرتىلۋدان وتكىزىلۋدە. بۇل تۋرالى اۋدان اكىمىنىڭ ءباسپاسوز قىزمەتى حابارلادى.
باعدارلاما شەڭبەرىندە ع.مۇراتباەۆ اۋىلىنا تابيعي گاز جەتكىزىلىپ, اقسۋات اۋىلىنان 150 ورىندىق كلۋب سالىنادى. سونداي-اق كوشەلەر جوندەلىپ, جارىقتاندىرىلادى, الەۋمەتتىك نىساندار جاڭعىرتىلادى.
قازىر اۋداننىڭ مەملەكەتتىك ساتىپ الۋ ءبولىمى ارقىلى جاريالانعان 33, وبلىستىق مەملەكەتتىك ساتىپ الۋ باسقارماسى ارقىلى جاريالانعان 9 جوبانىڭ جەڭىمپازدارى انىقتالعان. ولاردىڭ بارلىعى قازالى اۋدانىنىڭ كاسىپكەرلەرى.
«جۇمىسپەن قامتۋدىڭ 2020-2021 جىلدارعا ارنالعان جول كارتاسى» مەملەكەتتىك باعدارلاماسىنىڭ نەگىزگى ماقساتى جۇمىسسىزدار سانىن ازايتۋ. وسىعان بايلانىستى قولعا الىنعان جوبالاردا اۋدان بويىنشا 436 ادام جۇمىسپەن قامتىلادى. ولاردىڭ جالاقىسى 85 مىڭ تەڭگەدەن بولادى.