كەشە ەلوردالىق جاعاجايدا توتەنشە جاعدايلار دەپارتامەنتى سۋداعى قۇتقارۋ شارالارىنان شەبەرلىكتەرىن كورسەتتى دەپ حابارلايدى ەلوردا اكىمدىگىنىڭ رەسمي سايتى.
«كۇننىڭ ەرتە جىلىنۋىنا بايلانىستى پروفيلاكتيكالىق جۇمىستار 25 مامىردان باستاپ جۇرگىزىلۋدە. توتەنشە جاعدايلار دەپارتامەنتى قالا اكىمدىگىمەن بىرلەسە وتىرىپ, 23 شومىلۋ ورنىن انىقتادى. ونىڭ 3-ىنە رۇقسات ەتىلگەن: ورتالىق جاعاجاي, «تري پەسكاريا» جانە كۋيگەنجار ايماعىنداعى مەتروپوليتەن. قالعان 20 جەردە شومىلۋعا بولمايدى. ەندى اۋدان اكىمدىكتەرىمەن بىرگە 10 تەگىن جاعاجاي اشۋ جوسپارلانۋدا», – دەدى بۇل تۋرالى توتەنشە جاعدايلار دەپارتامەنتىنىڭ باستىعىنىڭ مىندەتىن اتقارۋشى پولكوۆنيك ەسەن بايروۆ.
جاقىندا شومىلۋعا ارنالعان تاعى 10 ورىن اشىلاتىنى بەلگىلى بولدى. توتەنشە جاعدايلار دەپارتامەنتى قۇتقارۋ جۇمىستارىنىڭ قالاي جۇرگىزىلەتىنىن كورسەتتى. بۇل جاي عانا دەمونستراتسيا بولسا دا, وكىنىشكە وراي, مۇنداي جاعدايلار جاعاجاي ماۋسىمىندا ءجيى بولىپ تۇرادى.
«وكىنىشكە قاراي, قايعىلى جاعدايلار تىركەلۋدە. جىل باسىنان بەرى 3 ادام قالا سۋ قويمالارىندا سۋعا كەتتى. ەكى ادام قۇتقارىلدى», – دەدى ە.بايىروۆ.