اقش ەلىندە ورىستەگەن جاپپاي بەيبىت ميتينگ ىشكى تەرروريمگە ۇلاسىپ بارادى دەيدى ەلدىڭ پرەزيدەنتى دونالد ترامپ.
«لينكولننىڭ جانە ەكىنشى دۇنيەجۇزىلىك سوعىس جاۋىنگەرلەرى قۇرمەتىنە تۇرعىزىلعان ەسكەرتكىشتەردىڭ قۇلاتىلۋى ءسوزسىز ىشكى تەرروريستىك سيپاتتىڭ كورىنىسى. ارينە, دجوردج فلويدتىڭ قازاسى جايلى ايتار بولسام, بارلىق ءىس ءادىل زاڭ شەڭبەرىندە شەشىلەرى حاق. بەيبىت ميتينگىنى پايدالانىپ قاراقشىلىق كورىنىستەردىڭ قىلاڭ بەرۋى قاراپايىم بۇقاراعا پايدا اكەلمەيدى. سوندىقتان ەلدەگى بۇنداي كەلەڭسىزدىكتەرمەن كۇرەسەتىن بولامىز. ويتكەنى, ەل ىشىندە پايدا بولعان نارازىلىقتى انارحيستەر مەن كاسىبي توناۋشىلار ءوز مۇددەسىنە پايدالانباقشى. اسىرەسە, اقش-تاعى فاشيستىك ارەكەتتەرگە قارسى («انتيفا» ت.ب) ۇيىمدار ارەكەتىن قۇپتاۋعا بولمايدى. كەيبىر شتات گۋبەرناتورلارى تۇرعىنداردىڭ قاۋىپسىزدىگىن تولىق قورعاي الماۋدا. ەلدەگى بەرەكەسىزدىكتى توقتاتۋ ءۇشىن كۇشتىك قۇرىلىمداردىڭ قۋاتىنا جۇگىنۋگە تۋرا كەلەدى. ەگەردە ءبازبىر شتاتتارداعى جاعداي تۇراقتانباسا, ول جەرگە اقش قارۋلى كۇشىن ورنالاستىرۋ ارقىلى بەيبىتشىلىكتى ساقتاۋعا ءماجبۇر بولامىز» دەدى پرەزيدەنت.
كۇشتىك قۇرىلىمداردى ەل ىشىندەگى بەرەكەسىزدىكتى باسۋعا پايدالانۋ ءۇشىن پرەزيدەنت 1807 جىلعى «ەرەۋىل تۋرالى» زاڭدى باسشىلىققا الۋى ءتيىس دەيدى زاڭگەر-ساياساتكەرلەر. اتالىش زاڭ بۇعان دەيىن 1968 جىلى مارتين ليۋتەر كينگ ولتىرىلگەننەن كەيىنگى جاعدايعا جانە 1992 جىلى لوس-انجەلەستەگى ەرەۋىلدى توقتاتۋعا پايدالانىپتى.