قازاقستاندا 63 مىڭ ۇيىرمە مەن 1200 قوسىمشا ءبىلىم بەرەتىن ۇيىم جۇمىس ىستەيدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.
«قازاقستاندا 63 مىڭ ۇيىرمە مەن 1200 قوسىمشا ءبىلىم بەرەتىن ۇيىم جۇمىس ىستەيدى. قازىر وقۋشىلار سارايلارى, بالالار تەحنوپاركتەرى, ۇيىرمەلەر مەن ونەر مەكتەپتەرى جانە تاعى باسقا جەلىسىن ودان ءارى ۇلعايتۋ مىندەتى تۇر», دەپ جازدى اسحات ايماعامبەتوۆ.
ونىڭ ايتۋىنشا, قاراعاندى, كوكشەتاۋ, تۇركىستان, قىزىلوردا جانە شقو سياقتى بىرنەشە وڭىردە مۇنداي ورتالىقتاردىڭ قۇرىلىسى باستالعان. ال الماتى قالاسىندا قايتا جوندەۋ جۇمىستارى جۇرگىزىلىپ جاتىر. باسقا وڭىرلەردە دە اتالعان باعىت بويىنشا جۇمىس اتقارىلۋدا.