- 10 جىل ىشىندە بالالار ۇيلەرىنىڭ تاربيەلەنۋشىلەرىنىڭ سانى 70% - عا, 14 052 ادامنان 4193-كە دەيىن قىسقاردى. ال بالالار ءۇيىنىڭ جەلىسى 210-نان 101-گە دەيىن, ياعني 52% - عا قىسقاردى. ال سوڭعى 4 جىل ىشىندە بالالار ءۇيىنىڭ تاربيەلەنۋشىلەرىنىڭ سانى 42% - عا, 7 236 ادامنان 4 193-كە قىسقاردى. ال بالالار ءۇيىنىڭ جەلىسى 140-تان 101-گە, ياعني 28%-عا قىسقاردى, - دەپ جازدى اسحات ايماعامبەتوۆ
ونىڭ ايتۋىنشا, بالالار ۇيلەرى قولداۋ ورتالىقتارىنا اينالادى. ازاماتتىق قوعام بۇل جۇمىسقا بەلسەنە اتسالىسىپ جاتىر.
- «تالىمگەرلەر» مەن «انالار ءۇيى» سياقتى جوبالاردى ەرەكشە اتاپ وتكىم كەلەدى. دەسە دە تۇيتكىلدى ماسەلەلەر بويىنشا جۇمىس ءالى دە جۇرگىزىلىپ جاتىر. مەملەكەتىمىزدە ءبىلىم الۋ قۇقىعىنا باسا نازار اۋدارىلادى. قازىر ەلىمىزدە 5 ميلليون بالانى قامتيتىن 20 مىڭ ءبىلىم بەرۋ ۇيىمى جۇمىس ىستەپ جاتىر, - دەلىنگەن مينيستر جازباسىندا.