ارال اۋدانىندا ەپيدەميولوگيالىق احۋال كۇردەلى بولىپ تۇر. سوڭعى تاۋلىكتە 17 اۋدان تۇرعىنىنىڭ ۆيرۋس جۇقتىرعانى انىقتالدى.
قازىر 37 ناۋقاس اۋداندىق ورتالىق اۋرۋحانانىڭ جۇقپالى اۋرۋلار بولىمىندە ەم قابىلداۋدا. بۇعان قوسا, 114 ادام كارانتيندىك ستاتسيونارعا, 144 ادام ءۇي كارانتينىنە وقشاۋلاندىرىلدى.
وسى ورايدا, قالىپتاسقان جاعدايدى ەسكەرە كەلە ارال اۋدانىنىڭ باس مەملەكەتتىك سانيتارلىق دارىگەرىنىڭ №9 قاۋلىسى قابىلداندى. جاڭا قاۋلىعا سايكەس ىندەتتىڭ تارالۋىن تەجەۋ ماقساتىندا ارال قالاسى مەن اۋدانعا قاراستى سەكسەۋىل كەنتىندەگى توسقاۋىل بەكەتتەرىنىڭ جۇمىستارى جالعاساتىن بولدى. سونىمەن قاتار اتالعان ەكى اۋماقتا دا كارانتيندىك شەكتەۋلەر ەنگىزىلدى.