BBC-ءدىڭ حابارلاۋىنشا, ۇلىبريتانيانىڭ بيلىگى لوندوننىڭ قوعامدىق كولىك جۇيەسىن قولداۋعا 1,6 ملرد فۋنت (1,95 ملرد دوللار) بولمەك. تاراتىلعان اقپاراتىنا سايكەس, بۇل قاراجات بىرىككەن كورولدىكتىڭ استاناسىنداعى Transport for London (TfL) كولىك وپەراتورىنا بەرىلەدى.
بولىنگەن اقشا كوروناۆيرۋستىق ينفەكتسيانىڭ كەڭ ەتەك الۋىنا بايلانىستى داعدارىسقا ۇشىراعان لوندوندىق كاسىپورىننىڭ جاعدايىن قالپىنا كەلتىرۋگە ءتيىس دەيدى بريتان بيلىگى.
ايتسە دە ۇكىمەت لوندوننىڭ مەترو جۇيەسى جۇمىستى تولىق كولەمدە جاڭعىرتۋى ءتيىس دەگەن تالاپ قويدى. كارانتينگە بايلانىستى شاھاردا ونداعان ستانتسيا جابىلىپ, پويىزداردىڭ قوزعالىس ارالىعى ايتارلىقتاي ارتقان-دى. بىراق كولىك ءمينيسترى گرانت شەپپس بۇل مەملەكەتتىك قولداۋدىڭ ناتيجەسىندە قالالىق قوعامدىق كولىكتەردە جولاقىسى قىمباتتاۋ مۇمكىن ەكەنىن جاسىرمادى.