تەڭىز كەنىشىندە دە, اۋدانداردا دا كوروناۆيرۋس ينفەكتسياسىنىڭ تىركەلۋى توقتار ەمەس. بۇعان وتكەن تاۋلىكتە 44 ادامنان ىندەتتىڭ انىقتالۋى دالەل بولا الادى.
وڭىرلىك جەدەل شتابتىڭ مالىمەتىنە سۇيەنسەك, ىندەتكە شالدىققانداردىڭ اراسىندا تەڭىز كەن ورنىنداعى مەردىگەر مەكەمەلەردىڭ 30 قىزمەتكەرى بار. ولار بۇرىن وسىنداي ينفەكتسيانى جۇقتىرعاندارمەن بايلانىستا بولعان.
–ال, 13 ادام –جىلىوي اۋدانىنىڭ, بىرەۋى ماقات اۋدانىنىڭ تۇرعىنى. ناۋقاستاردىڭ ىندەتتى جۇقتىرعانى سكرينينگتىك تەستتەن ءوتۋ كەزىندە راستالدى. قازىر بۇل ناۋقاستارمەن بايلانىستا بولعاندار انىقتالۋدا. سونداي-اق, ىندەت وشاقتارىنا ەپيدەميولوگيالىق زەرتتەۋ, دەزينفەكتسيالاۋ جۇمىسى جۇرگىزىلىپ جاتىر, -دەپ حابارلادى جەدەل شتابتان.
وسى دەرەكتەردى قوسا ەسەپتەگەندە, اتىراۋ وبلىسىندا كوروناۆيرۋس ينفەكتسياسىنا شالدىققان ادامداردىڭ سانى 1024-ءتى قۇرادى. ال, 294 ادام ىندەتتەن جازىلىپ شىقتى.